Print this page

MTCI ho BNCTL Fasilita Kréditu Souve ba Empreza Ki’ik

By September 29, 2021 1565
Ministru Turizmu Komérsiu Industria (MTCI), José Lucas do Carmo da Silva (karuk) asina akordu ho Diretór Ezekutivu BNCTL, Brigido Sousa (karuk), iha Salaun MTCI, Bebora, kuarta (29/09). Ministru Turizmu Komérsiu Industria (MTCI), José Lucas do Carmo da Silva (karuk) asina akordu ho Diretór Ezekutivu BNCTL, Brigido Sousa (karuk), iha Salaun MTCI, Bebora, kuarta (29/09). Foto Tempo Timor

Tempotimor (Dili)-Ministériu Turizmu Komérsiu Industria (MTCI) ho Banku Nasionál Komérsiu Timor-Leste (BNCTL) servisu hamutuk fasilia kréditu souve ba empreza ki’ik sira iha rai laran.

Diretór Ezekutivu BNCTL, Brigido Sousa hatete, agradese ba fiar no oportunidade ne'ebé Ministru Turizmu Komérsiu Industria fó ba BNCTL hodi bele kontinua atu la'o ho programa kréditu souve ne'e.

"Ohin loron ita sei asina tan akordu ida ne'ebé mak sei aumenta tan garantia ne'ebé ita-nia Governu iha BNCTL hodi bele fasilita kréditu soave ida ne'e ho karaterístika sosiál ne'e ba ita-nia emprezáriu ki’ik sira”, dehan nia iha Salaun MTCI, Bebora, kuarta (29/09).

Ho totál kréditu ne'ebé aprovadu ona no lansa hamutuk momentu ne'ebá iha proposta 11 aprovadu ho montante osan kréditu rihun-116 no ida ne'ebé seidauk dezenvolve maizumenus rihun-48 no agora avalia hela proposta 5 ho nia montante maizumenus rihun-99, ne'ebé iha progressu.

“19 proposta ne'ebé mak iha, tempu badak ita konsege balun aprovadu ona, balun prosesu hein de'it atu kompleta dokumentu nune'e bele aprova no dezenvolsa no balun ami iha hela prosesu avaliasaun nia laran”, informa nia.

Ho ida ne’e, hato’o kongratulasaun ba Ministériu liuhusi ekipa stering comite ne'ebé forte tebtebes servisu di'ak halo koordenasaun ho BNCTL.

"Esperansa katak ita-nia empreza sira ne'ebé hetan oportunidade hodi asesu ba kréditu ne'e, hodi halo negosiasaun di'ak ho akompañamentu husi ita hotu nune'e neneik empreza sira ne'e bele sai boot”, afirma nia.

Ministru Turismu Komérsiu Industria, (MTCI), José Lucas do Carmo da Silva hatete, asina akordu ne'e kontinuasaun tanba uluk asina ona akordu ida transferénsia husi bankaria Ministériu ninian ba BNCTL ho osan rihun-400-resin.

"Ohin ita kontinua tan fali e atu dehan katak ida uluk ne'e kontinuasaun husi UNDP  400 ital mill e ohin ita kontinua aumenta tan osan ida ne'e husi Orsamentu Jerál Estadu (OJE) VIII Governu Konstituisaun nian 900 millaun ne'ebé ita hetan osan garantia ba maluk sira atu kréditu ne'e 1.3 millaun”, esplika nia. (*)

Rate this item
(0 votes)
Last modified on Wednesday, 29 September 2021 23:23
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items