“Ita-nia Ró Berlin Ramelau atu mai, pelu menus Novembru ne'e nia to'o ona”, informa nia iha salaun Ministeriu Finansa, Aitarak laran, sesta (01/10).
Haree ba prezensa Ró Berlin Ramelau ne'ebé atu mai iha fulan-Novembru, Governu mós planea lori sai Ró Berlin Nakroman ba halo manutensaun iha Surabaia-Indonézia, bainhira Berlin Ramaelau to'o Governu sei halo serimónia hodi simu ró ne'e depois kontinuasaun kedas ba prosesu operasaun.
Enkuantu, iha loron 31 fulan-maiu 2019, Governu Timor-Leste reprezenta husi Ministru Transporte no Komunikasaun, José Agostinho da Silva, asina akordu ho Governu Federál Alemaña no Kompañia Estaleiru Navál ‘Damen’ hodi halo konstrusaun Ró Berlin-Ramelau.
Projetu ne’e ba kontrusaun Ró refere Governu Alemaña kontribui millaun €7,8 no Timor-Leste mós iha millaun €7,1.
Tuir planu ró ne’e sei halo operasaun dahuluk iha tinan 2021, ho destinasaun Dili ba Manatuto, Baukau, Lospalos no Vikeké. (*)
