“Liga ho señor Prezidente nia esteitmentu katak ahi mate fó impaktu ba sistema senoru iha Parlamentu. agora señor Prezidente, ha'u lembra señor Ministru Fidelis kuandu mai iha ne'e, dehan kuandu EP ona ba Bee ho EDTL para hadi'a sira-nia atendimentu públiku, mais enfelismente ahi mate derepente, iha Parlamentu nian, iha sistema senoru mak at, be populasaun nia jelera no televizaun sira-ne'e oinsá?”, dehan Deputada CNRT, Maria Fernanda Lay, iha plenária PN, segunda (04/10).
Tanba Deputadu iha direitu atu hakilar no populasaun iha diretu atu hakilar, tanba sira-nia saláriu muda ona no sira saláriu boot, atubele fó atendimentu di’ak ba komunidade sira durante osan 24 nia laran.
Maske Governu konsege hadi'a estatutu EDTL hodi muda ba empreza públika, maibé sira-nia atendimentu ba públiku mak to'o agora kontinua hamosu dúvida no lamentasaun iha públiku.
Deputada Bankada PLP, Maria Angelina Sarmento, husu Governu liliu Eletriadade Timor-Leste, empreza públika (EDTL.ep) atu dada ahí-eletrisidade ba Aldeia Baharidu tanba aldeia refere tinan 20 ona la asesu eletrisidade.
“Aldeia naran Baharidu, ne'e aldeia ida metade perténsia ba suku Sana-Nain no metade ba suku Batara, iha Laklubar. Aldeia ne'e populasaun sira foin hari'i iha tinan rihun-2000, depois de ukun-an", hatete nia.
Iha aldeia Baharidu ne'e, populasaun hamutuk atus-ida-resin, sira maiória iha uma mutin maibé la aseu ba eletrisdade. Tanba ne'e husu presiza liga eletrsidade no estrada ba sira. (*)