Login to your account

Username *
Password *
Remember Me

FRETILIN 'Dun' Kompaña Telekomunikasaun Tolu Komete Korrupsaun 

Deputadu Bankada Frente Revolusionáriu no Independente (FRETILIN), Marito Fatubai Mota. Deputadu Bankada Frente Revolusionáriu no Independente (FRETILIN), Marito Fatubai Mota. Foto Suplay

Tempotimor (Dili)-Deputadu Bankada Frente Revolusionáriu no Independente (FRETILIN), Marito Fatubai Mota, dun kompaña operadór Telekomunikasaun Telemor, Timor Telecom no Telkomcel komete korrupsaun, tanba distribui pakote internet US$1 ba klíente sira maibé rede internet kualidade la di'ak.

"Ha'u fó ezemplu pakote US$1, 24 oras asesu ba internet, ne'e ba telekomnikasaun tolu ne'e hotu, maibé durante períodu de 24 oras ne'e nia rede ne'e la'o ladi'ak, agora ita soma tok kliente ka konsumidór lubuk ida mak iha Timor laran ne'e, osan hira mak telekomunikasaun  sira la hán, ne'e ha'u konsidera hanesan korrupsaun ida”, dehan nia iha plenária Parlamentu Nasionál, tersa (05/10).

Pozisaun bankada Fretilin hakarak foti kestaun ne'e iha plenária, tanba fulan ida-resin ona empreza telekomunikasaun bo'ot tolu ne'e halo manipulasaun ba diretu konsumidór sira atu asesu ba internet.

Nune'e, husu Autoridade Nacionál Comunicação (ANC) no ajénsia Nasional sira ne'ebé toma konta ba asuntu ne'e, atubele kontrola telekomunikasaun tolu ne'e.

Tanba to'o oras ne'e lahatene sira-nia kontrolu ba kompaña operadór telecomunikasaun ne'e to'o ona ne'ebé.

"Durante fulan ida resin ona ita haree rede  (jaringan) internet ne'e monu hela de'it, tanba ne'e ita ko'alia kona-ba diretu konsumidór”, afirma nia.

Ba kestaun ne'e, Prezidente Parlamentu Nasionál (PN), Aniceto Longuinhos Guterres Lopes hatete, deputadu sira iha diretu atubele utiliza Lei Protesaun diretu kona-bá konsumidór,  atu halo advokásia ba kestaun rede internet.

"Se deputadu sira bele halo advokásia karik, uza lei ba protesaun konsumidór ninian, e ne'e ba ema hotu, tanba la'ós deputadu de'it mak uza maibé ne'e ba ema hotu”, hatete nia. (*)

Rate this item
(0 votes)
Last modified on Wednesday, 06 October 2021 23:06
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter