"Ida ne'e atividade regulár ida que hosi parte diresaun ida ne'e, para haree oinsá atu atualiza dadus, depois de Covid-19 ne'e, iha balu para ka iha balu kontinua, iha afetadu ka?. Ida ne'e mak sira buka atu hatene atu re atualiza ba ida ne'e. Entaun, ida ne'e mak sira halo”, Ministru Komersiu ni Indústria, José Lucas do Carmo da Silva, iha Palásiu Governu, kuarta (06/10).

Tanba durante ne’e, problema barak mak akontese hanesan traballador barak lakon servisu, inklui emprezáriu barak taka, no negosiante ki’ik sira-nia sasán la folin.

Iha programa barak ona Governu halo insentiva negosiante sira atu kontinua hamoris sira-nia atividade negósiu, liuhusi fó Kréditu Suave.

"Insentiva, la'ós foin mak halo, insentiva iha programa lubuk ida mak halo tiha ona atu insentiva, ne'e mak liuhusi kréditu Suave. Insentiva mak ne'e, atu insentiva sira. Maibé ida atu foti dadus ne'e, atividade regulár ida ne'ebé durante ne'e sira halo”, hatete nia.

Maibé Kréditu Suave ne'e, iha ninia kritéria oinsá atu hadi’a kualidade negósiu, ka haforsa kualidade emprezáriu sira. (*)