“Agradese tebes ba ita-nia kooperasaun ida ne'e, no ida ne'e kooperasaun ida ne'ebé ita hotu koopera malu nafatin liliu iha situasaun pandemia Covid-19 ne'e, e mákina printer ida ne'e ami oferese ba ita-boot sira, nune'e bele fasilita ita-boot sira-nia atividade lorloron”, dehan Reprejentante OMS iha T-L, Arvind Mathur, iha salaun AHDMTL, Manleu, kinta (07/10).
Maibé ba futuru hakrak iha nafatin kooperasaun ne'ebé di'ak liu no OMS sei apoiu nafatin AHDMTL, no la'ós agora de'it maibé sei nafatin bainhira presiza.
Diretór Ezekutivu AHDMTL, Gaspar Afonso, apresia no orgullu ho apoiu husi OMS tanba bele ona ajuda sira hodi oferese mákina printer atubele fasilita sira-nia atividade.
“Ha'u lori AHDMTL nia naran agradese wain ba OMS ami orgullu no apresia ba kooperasaun ida ne'ebé ohin oferese tan ona mákina printer mai ami hodi fasilita ami-nia servisu sira, no ami atu print karta, ou livru ruma ami sei la gastu osan ona maibé ami hein uza de'it ami-nia”, afirma nia.
Maske OMS la'ós foin apoiu AHDMTL ba dala uluk, maibé antes ne'e iha ona kooperasaun di'ak hodi oferese sasán barak ba AHDMTL relasiona ho pandemia Covid-19.
“Ne'e la'ós foin primeiravez sira apoia, maibé antes ne'e sira mós apoiu ami ho sasán lubuk ida ne'ebé ami simu hodi uza luta hasoru pandemia Covid-19 ne'e”, informa nia. (*)