“Iha sistema baze dadus iha ne'e liu ona 1500 rejistradu sistema ne'ebé mak Sentru Chega kria ne'e mak foin halo klasifika ema ne'e sobrevivente”, dehan Nelson ba jornalista sira iha Salaun CNC, Balide, kinta (07/10).

Rejistrasaun ba sobrevivente sira ne'e sei halo klasifiksaun ida ne'ebé sobrevivente liu ne'e mak sei hetan subsídiu iha Ministériu Solidariedade Sosiál no Inkluzaun (MSSI) tanba balun mós asesu hela ba subsídiu veteranu.

Husi sobrevivente 1500 ne'e iha tinan 2020 iha 500 mak simu ona subsídiu pontual husi Governu.

“Husi 1500 ne'ebé rejistu ne'e ita submete ona 500 naran ba MSSI sei halo pagamemtu pontual ba sira, sobrevivente ida nia hetan US$500 dala ida pontual ne'e ita kooperasaun ho MSSI”, esplika  nia.

Sobrevivente 500 ne'ebé simu subsídiu iha tinan 2020 no halo ona pagamemtu iha fulan-jullu tinan 2021 ne'e.

Nune'e mós ba faze daruak pagamemtu ba sobrevivente hamutuk 80 iha tinan 2021 ne'e molok tama ba fulan-dezembru.

“Fulan-Jullu liuba pagamentu ba faze primeiru agora ba faze segundu ho sobrevivente hamutuk 80 ba pontual nian”, dehan nia.

Antes halo pagamentu Sentru Nasionál Chega halo kooperasaun ho Ministériu Solidariedade Sosiál no Inkluzaun (MSSI) liuhusi nota entendimentu hodi enkorpora no implementasaun husi reparasaun ba sobrevivente vulnerável sira. (*)