"Sira sei fasilita informasaun di'ak ba ita-boot sira atu nune'e kria kondisaun, agora dadaun imi oferese ba merkadu ho imi-nia produtu sira ne'e parte ida para aban bairua hari’i kooperativa ida, imi sei la presiza lori ba fa'an, ema mai foti de'it iha sentru kooperativa ne'e ema dehan kooperativa de produsaun oinsá mak atu bele asegura ita”, dehan Elizario iha Suku Katrai Kraik, tersa (12/10).
Pesoál na’in-rua ne'ebé sSkretáriu Estadu Kooperativa destaka sei fasilita informasaun kooperativa nian ba komunidade sira atu hatene informasaun hodi kria kondisaun di'ak ba sira-nia an rasik.
“Ha'u hanoin, ha'u iha ema iha nível postu, aban bairua sei la'o hamutuk ho administradór postu tun mai iha imi-nia suku kria kondisaun atu promove kooperativa e atu dada imi besik ba merkadu”, afirma nia.
Husi kooperasaun produsaun ne'e bele asegura produtu iha suku laran mak komunidade sira tenke simu vasina hodi nune'e ema labele iha fronteira (pontu de entrada) tan nune'e mós halo distansiamentu.
Reprezentante Komunidade Suku Katrai Kraik, Luis Filomeno, husu ba SEKoop katak sira prontu maibé tenke kria formasaun atu ba oin Bele produz di’ak liután.
"Kona-ba produsaun ami halo, maibé ema ida matan dalan hanorin ami atu halo di'ak liután ne'e mak seidauk, mak formasaun veteranu barak mak iha, ema ida atu halo formasaun atu tau hamutuk osan ne'e seidauk, tanba ne'e fó hanoin ba Sekretáriu Estadu Kooperativa atubele fó formasaun kona-ba ida ne'e”, dehan nia. (*)