Xefe Bankada Congresso Nacionál de Reconstrução de Timor (CNRT), Duarte Nunes hatete, kona-bá OJE 2022 ne'ebé mak Governu atu submete mai ne'e, Parlamentu Nasionál (PN) iha obrigasaun atu kestiona buat balun.
“Tuir regra dia 15 (outubru) ne'e OJE tenke tama ona. E kuandu osamentu ne'e tama ona mai, ne'e parlamentu nia obrigasaun atu kestiona buat balun”, dehan nia iha Parlamentu Nasionál (PN), kinta (14/10).
Pozisaun CNRT haree katak valór orsamentu foun ne'ebé Governu sei aprezenta ne'e ki’ik liu kompara ho tinan 2021 ne'ebé mak to'o billaun US$2.1.
Maske nune'e, Bankada CNRT seidauk bele adianta kestaun ruma liga ho montante orsamentu refere, tanba Orsamentu Jerál Estadu fiskál 2022 ne'e mak Governu aprezenta ba Parlamentu Nasionál. (*)