"Imi komu Multisetorál, promove atividade hothotu, balun halo ona vanila balun bele halo atividade seluk fahe ba grupu balun bele kuda modo oioin sira”, dehan Elizário Ferreira iha Suku Railaku Leten, Postu Administrativu Railaku, Munisípiu Ermera, sábadu (16/10).
Kooperativa Multisetorál HAFORSU iha fatin no iha klima ne'ebé mak di'ak hodi bele halo atividade hotu tuir produsaun sira ne'ebé mak grupu prodúz ona.
Nune'e Prezidente Kooperativa Multisetorál Hamutuk Forsa Susesu (HAFORSU), Alcino Soares Bere, promete sei la husik nia grupu sira la'o mesak maibé servisu hamutuk hodi promove grupu ne'e ba oin.
"Ha'u sei la serbisu mesak, ha'u hamutuk ho ha'u-nia estrutura eleitu no membru sira atu nune'e esforsu servisu hamutuk hodi susesu iha futuru”, dehan nia.
Nune'e Prezidente mós kontinua husu ba Sekretáriu Estadu Kooperativa atu kontinua fó formasaun hodi haklean mentalidade Kooperativa Multisetorál HAFORSU nian ba oin.
Atividade ne’ebé hala’o kuda vanila, tanba hetan formasaun husi Mary Mackillop today, nune'e hatudu ona progressu di'ak ikus mai nakfila ba Kooperativa Multisetorál HAFORSU.
"Husi membru Agrikutór vanila nian ne'e, ita forma grupu sira, grupu sira ne'e seidauk transforma ba kooperativa maibé foin grupu ida de'it mak naran grupu HAFORSU ne'e, sei falta ema Agrikutór 665 fahe ba grupu 15 no dadaun ne'e hela grupu 14 mak seidauk nakfilak ba grupu”, dehan Country Manager Mary Mackillop today, Alipio Baltazar.
Nune'e iha loron 16 fulan-outubru Sekretáriu Estadu Kooperativa fó tomada posse ba estrutura Kooperativa Multisetorál Hamutuk Forsa Susesu (HAFORSU) hamutuk 9 atubele lidera kooperativa refere. (*)