PR Lú Olo ‘Foin Hakfodak’ Apoiu Vítima Inséndiu iha Eis Merkadu Komoro

Xefe Kaza Sivil Prezidente Repúblika, Francisco Maria de Vasconcelos entrega hela sasán ba família inséndio iha Eis Merkadu Komoro, segunda (18/10). Xefe Kaza Sivil Prezidente Repúblika, Francisco Maria de Vasconcelos entrega hela sasán ba família inséndio iha Eis Merkadu Komoro, segunda (18/10). Foto Tempo Timor

Tempotimor (Dili)-Prezidente Repúblika (PR), Francisco Guterres'Lú Olo', foin hakfodak fó apoiu ba vítima insediu hanutuk 217, iha eis Merkadu Komoro.

Tanba Inséndiu ne’ebé mosu iha eis Merkadu Komorof, loron 29 jullu 2021, maibé Ekipa husi Prezidente Republika foin fó apoiu ba vítima sira iha loron segunda (18/10).

Ho apoiu materiál konstrusaun no roupa ba família Inséndiu hamutuk 217 iha Eis Merkadu Komoro no apoiu hirak ne'e entrega diretamente husi Xefe Kaza Sivil, Francisco Maria de Vasconcelho.

"Prezidente Repúblika hanoin tebes oinsá atu tulun ita boot sira, tanba ne'e Prezidénsia Repúblika fó tulun balu, responsável tomak gtovernu nian. Maibé Prezidente Repúblika hanesan aman ba povu tomak, tanba ne'e Prezidente buka meus oinsá mak tulun ita-boot sira, la'ós barak maibé oitoan, oitoan tau hamutuk sei halo kompleta malu atu hadi'a fali ita-nia situasaun", dehan Xefe Kaza Sivil iha Eis Merkadu Komoro, segunda (18/10).

Ajudus ida ne'e hanesan formas ida Prezidente Repúblika nia responsabilidade, prezidente nia domin ba ita-boot sira, maske la barak, maibé importante la'ós sasán.k

"Importante mak ita-nia relasaun, ita-nia domin no hanesan umanu, hanesan aman no oan sira," hatete nia ba vítima inséndiu.

Enkuantu Xefe Kaza Sivil fó hanoin mós ba autoridade atu koordena ho governu liuhusi diresaun Bombeiros atu bele hala'o edukasaun sivika ida oinsá atu hasoru inséndiu, tanba komunidade eis merkadu Comoro afeita ona inséndiu ba dalarua.

Reprezentante vitima inséndiu, Gaspar Guterres hatutan, nu'udar komunidade ida ne'ebé hetan afeitadu ba inséndiu  sente kontente, tanba bele hetan apoiu materiál balun husi nai ulun sira hodi bele halo rekoperasaun fali ba uma sira ne'ebé ahi-hán.

"Agradese ba ita-nia nai-ulun sira tanba ami hetan inséndiu ida ne'e, ita-nia na’ain ulun la taka matan ba ami, siknifika katak terus ne'ebè ami hetan ne'e sira mós senti, ne'ebé ohin loron sira lori ona sasán sira ne'e  mai, maske ho kuantidade ne'ebé ki'ik, maibé ami nafatin kontente tanba apoiu ona ami”, haktuir nia.

Entertantu Materiál konstrusaun ne'ebé mak apoiu mak hanesan, Semente hamutuk 657, Besi kotak 20x30 438, Besi kotak 20x40 657, Besi kotak 30x30 657, Baut kalen 438 no inklui ropa hamutuk 219 sakolas.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter