"Ha'u hanoin ivestimentu ne'ebé iha tinan oin ita espera pozitivu, laiha ona Covid-19, laiha ona inudassum ne'ebé akontese iha 4 de Abríl, ita hotu hotu hatene katak iha prediksaun klimatika ne'e hatete katak sei udan boot, maibé se tinan oin mak buat hotu hotu la'o normal ha'u hanoin Orsamentu ne'ebé agora propoin ba Parlamentu Nasionál ne'e bele hasa'e investimentu no bele hadi’a ita-nia kresimentu ekonomiku”, dehan Brígida Soares iha Rezidénsia Primeiru Ministru, Taur Matan Ruak, Faról tersa (19/10).
Tanba dadaun iha setór ekonómiku lubuk ida ne'ebé sei hakarak iha vontade atu hadi’a setór ekonomia hodi hasale kresimentu ekonómiku iha Timor-Leste.
"Depois ita hatene iha inisiativa husi setór ekonómiku ke barak depois de debate ita-boot sira sei haree entaun ida ne'e bele ajuda hasa’e ita-nia kresimentu ekonómiku”, esplika nia.
Ho OJE tinan 2022 ho montante hamutuk Billaun US$ 1.675 ne'ebé mak Governu haruka ona ba Parlamentu Nasionál hodi diskute no aprova ona, hein implementa iha tinan 2022. (*)