Print this page

MOP Aviza Empreza 26 Halo Koordenasaun Sulusional Problema 

By October 19, 2021 1083
Vise Ministru Obras Publikas (MOP), Nicolao Lino Freitas Belo. Vise Ministru Obras Publikas (MOP), Nicolao Lino Freitas Belo. Foto Suplay

Tempotimor (Díli)-Vise Ministru Obras Publikas (MOP), Nicolao Lino Freitas Belo, konvoka reuniaun Extraordináriu hodi aviza empreza hamutuk 26 ne'ebé durante ne'e implementa obra atu halo koordenasaun di’ak buka solusaun ba problema.

“Ita sei rezolve tuir koridór legal no tékniku, husu wainhira ita-boot sira enfrenta problema, nafatin halo liña koordenasaun ne'ebé di’ak entre Diresaun sira ou bele mai direta iha Gabinete Vise MOP, atu nunee ita hamutuk buka solusaun hodi rezolve”, deklarasaun Vise MOP ne'ebé www.tempotimor.com asesu iha pájina ofisiál Gabinete Vise MOP, tersa (19/10).

Hafoin rona hamutuk lamentasaun sira no problema husi emprezáriu sira, Vise MOP informa ba Empreza sira katak tenke halo karta ida ne’ebé justika problema hirak ne'ebé sira enfrenta hodi hato'o mai iha Gabinete Vise MOP no Diresaun Jerál Obras Públika.

Reuniaun ne’e akompañ husi Assesor sira, Diretór Jerál Obras Públika, Diretór Nasionál, Xefe departamentu no tékniku sira, iha edifísiu MOP Mandarin, Dili. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items