"Servisu sira ne'ebé ohin relata ba eselénsia mak programa eletrifikasaun nasionál ke ita halo agora dadauk hanesan públiku akompaña ita lansa tiha ona konkursu ba projetu lubuk ida ba primeira faze ita lansa tiha 34 pakote, e agora dadaun kompaña balun hahú mobilizasaun materiál ba terenu atu hahú konstrusaun liña eletrisidade ba komunidade ne'ebé seidauk asesu iha balun hela faze avaliasaun”, informa Paulo da Silva iha Palásiu Governu, kinta (21/10).
Nune'e iha faze segundu ne'e EDTL prepara ona mak sei lansa tan konkursu públiku iha tinan 2021 ne'e no sei hahú konstrusaun iha tinan 2022.
"Ba faze segundu ita iha pakote 44 ne'ebé preparadu ona BoQ (Bill of Quantity) preparadu hotu ona iha tempu besik ita sei lansa tan tenderizasaun atu nune'e tinan oin sira halo de'it ona konstrusaun atu nune'e komunidade sira bele asesu ahi”, dehan nia.
Dadaun ne'e Suku iha territóriu tomak hamutuk 70-resin mak seidauk asesu iha liña Eletrisidade enkuantu aldeia hamutuk rihun-rua (2.000) resin. (*)