"Mertuto ida ne'e  mós señór Primeiru Ministru mós horibaihira ba ne'ebá apezar seidauk tama iha planu maibé saida mak iha ba halo, eselénsia Primeiru Ministru ko'alia ho ha'u e foin dadaun ne'e mós hasoru ho señora prezidente IGE fo instrusaun katak, hodi planu husi Governu nian IGE bele atendimentu provizoriamente normaliza lai estrada ne'ebá para ita nia povu sira bele asesu halo sira nia atividade di'ak liután”, dehan Salvador Pires ba www.tempotimor.com iha palásiu Governu, kuarta (27/10).

Antes ne'e Primeiru Ministru (PM), Taur Matan Ruak, iha kampaña halo kampaña vasinasaun iha Postu Hatulia, komunidade sira hato'o preokupasaun katak, sei orienta MOP hodi tau atensaun ba estrada sira ne'e.

"Ha'u sei ko'alia ho ha'u-nia Ministru liliu Ministru Obras Públika hodi atende urjente no provizoriamente ba imi-nia estrada sira ne'e”, dehan Taur Matan Ruak.

Nune'e komunidade ida lakohi temi nia naran hatete katak durante ne'e komunidade barak mak lakohi koopera di'ak ho Ministru Obras Públika hodi halo konstrusaun entre Mertuto ba Hatulia nian.

"Sira balun lakohi, tanba dehan sira-nia kafé ne'e mak sira lakohi, tanba dehan estraga sira-nia ai-horis hanesan kafé”, hatete nia. (*)