"Ha'u hanoin ba futuru atu atinje 131 mill konsumu nasionál ne'e ita bele prense hela, e mehi mós ba área kultiva boot ne'ebé bee la subsiente, ohin informa ba Prezidente Repúblika ita tenke halo barajen atu nune'e tinan ida ita bele produz dala-2 se la’e susar oituan", dehan Pedro hafoin hasoru malu ho PR, Lú Olo iha Palasíu Prezidensiál Bairopite, tersa (23/11).
Maibé fatór barak mak tenke halo, hanesan investe osan depois hadi’a sistema irrigasaun manual sira, espera irrigasaun iha Galata, munisípiu Baukau ho Laivai, munisípiu Lautein konkursu públiku loke no projetu bele la’o.
Dadaun ne'e MAP halo hela irrigasaun 8 ne'ebé rea-aproria la'o hela e inklui mós irrigasaun 2 hanesan Galata ho Laivai.
Enkuantu irrigasaun ne'ebé dadaun ne'e halo hamutuk 10 hanesan, iha Maliana-II, Woebaba, Larisula, Casa, Baulara, Hali-Foun, Laivai ho Galata no sira seluk ne’ebé tama prioridade. (*)