SEA hato’o mensajem ne’e, hafoin Workshop ne’ebé realiza husi autoridade nasionál dezignada ka National Dezigneted Autority (NDA) ne'ebé establese iha SEA governu daualu konstitusionál hodi halo tuir obrigasaun Konvensaun Nasoens Unidus (NU) ba opersaun klimatika ne'ebé hamosu kondisaun sira atu asesu ba fundu klimatika verde.
"Siensebelizasaun ida ne'e iha intensaun oinsa mak parte sira husi Timor-Leste bele nakfila sai Ajénsia akreditadu iha potensia ba futuru sai hanesan implementadór ba projetu sira ne'ebé finansia husu fundu klimatika verde," dehan Deometro, kuarta (01/12).
NDA nu'udar autoridade ne'ebé halo ligasaun entre Governu Timor-Leste ho fundu klimatika verde ho papél importante atu promove dezenvolvementu verde tama mós ba konvensaun Nasoins Unidus nian.
SEA liuhusi NDA organiza workshop refere, atu pronunsia katak, iha tinan-tolu nia laran Timor-Leste bele mobiliza orsamentu $55 biloens husi fundu klimatika verde ba projetu boot tolu hanesan rezidensia infraestrutura rúral, zona koutasaun bee ne'ebé Zaica no Ministériu Agrikultura no Peskas (MAP) mak inplementa no hasa'e sistema alerta sedu iha Timor-Leste ne'ebé UNET ho valor $21 milloens.
Dadaun-ne'e iha projetu rezidensia infraestrutura rúral mak hala’o hela iha Munisípiu neen hanesan Lautein, Vikeke, Baukau, Aileu, Ermera, Likisa no kada Munisípiu iha projetu 19 to'o 26.
Projetu refere iha faze tinan daruak nian no planu iha faze daruak sei hahú iha tinan 2022, nune'e espera Timor-Leste bele sai benefisiáriu ba projetu hirak ne'e.
"Ha'u espera treinamentu ida ne'e, bele entidades sira iha Baukau iha interese hodi bele asesu fundus sira ne'ebé nasoins unidus distribui ba fundu klimatika verde nian," katak Deometrio
Nune'e, Sekretária Autóridade Munisípiu Baukau, Simão dos Santos Marques Pinhero hatete, entidade sira iha Munisípiu Baukau iha inisiativa partisipa projetu husi meiu ambiente ba fundus klimatika verde ne’ebé mai husi Nasoens Unidus.
“Liuhusi meiu ambiente ne’e, sira hakarak mai divulga informasaun sira para atravesa ita nia entidade lubuk ida partisipa iha ne’e, bele kopera, nune’e bele implementa programa ne’ebé ligadu ho Sekretariu Meiu Amiente nian", nia hatete
Entertantu, Grupu Joventude Hadomi Ambiente, Domingos Freitas senti triste, tanba ambiente Munisípiu Baukau tama iha degradasaun ambientál ne'ebé populasaun balun la apoiu hodi estragus.
Tanba ne’e, Sekrétaria Estadu Meiu Ambiente tenke tau fundus klimatika verde iha Munisípiu Baukau hodi rekopera fali ambiente munisípiu nian.
“Presizamente fundus verdes ida ne’e, tenke aloka iha Munisípiu Baukau ho montante ne’ebé boot oituan, tanba ita nia ambiente iha ai-bubur laran ai- horis sira ema estraga arbiru no hahú destroi ona", katak domingos
Entertantu, totál orsamentu ne'ebé aloka husi fundu klimatika verde hamutuk $22.4 biloens no finansia mos husi Govérnu Timor-Leste liuhusi MAP, PDN, Programa Nasionál Dezenvolvementu Suku (PNDS) inklui liña Ministéirial relevantes seluk ne'ebé hamutuk hotu $33.3 milloens. (*)
