"Nu’udar veteranu ha'u hanoin katak, papél importante veteranus sira nia kontribuisaun mós ba ita nia turizmu istóriku, dever morál nu’udar veteranus, tanba ita luta ona durante tinan-24, tanba istória veteranu Timor nian nakonu terus ho tristeja, maibé nakonu mós ho rejilenzia", dehan Inés, sabadu (18/12).
Tanba, ema estranjeiru Australia bainhira vizita mai Timor-Leste haree nasaun ne'ebé ki'ik tebes iha Mundu, maibé konsege rejiste durante tinan-24 nia laran to'o ukun rasik aan no halo rekonsiliasaun ho nasaun viziñu, nasaun barak mak admira ho Timor-Leste nia independensia.
Tanba ne'e Timor-Leste tenke iha marketing liuhusi promove fatin turizmu sira, inklui promove mós fatin rezisténsia tinan-24 nian.
"Tanba iha Australia ema barak sa'e foho, mais nia kuandu sa'e foho nia tenke hatene istória, atu ba matebian to'o fali iha fatin seluk halo saida mak to'o iha ne'eba", nia esplika
Fatin rezisténsia importante hotu, nune'e veteranu sira tenke haree oinsá bele hadia loke dalan ba ema estranjeiru sira atu hatene no promove mós ba jerasaun foun tuir mai. (*)