Items filtered by date: Thursday, 12 August 2021

Tempotimor (Dili)-Governu liuhusi Ministériu Saúde (MS) dadaun ne'e halo diskusaun ho parseiru dezenvolvimentu sira kona-ba planu estratéjia Nasionál saúde nutrisaun ba tinan 2021 to'o 2025.

Tempotimor (Dili)-Ministru Edukasaun Juventude no Desportu (MEJD), Armindo Maia hatete, planu ba rekrutamentu profesór reklamante sira sei iha prosesu diskusaun nia laran.

"Kona-ba rekrutamentu profesór reklamante ne'e ita sei diskute hela, tanba ida ne'e sei iha prosesu diskusaun nia laran”, dehan Armindo Maia iha salaun MEJD, Vilaverde, kinta (12/08).

Iha MEJD ninia estatutu profile profesór no funsionáriu iha territóriu laran tomak, liu rihun-5 ne'ebé kontratadu, nune'e planu ba rekrutamentu ne'e iha, maibé sei presiza diskuti lai tanba ne'e husu atu hein.

"La'ós dehan laiha, tanba buat ida dehan iha ona prosesu nia laran ne'e siknifika iha, tanba ne'e hein depois ami fó hatene fali rezultadu ba diskusaun ida ne'e”, hatete nia. (*)

Tempotimor (Dili)-Diretór Servisu Saúde iha Munisípiu Ermera, António de Deus Fátima deklara, ekipa saúde sira deteta ona sidadaun na'in-12 iha Munisípiu Emera afeta ona Variante Delta, maibé seidauk iha transmisaun ba komunidade sira.

Tempotimor (Dili)-Prezidente Repúblika (PR), Francisco Guterres 'Lú Olo', felisita ba Prezidente sesante Komisaun Nasionál Eleisaun (CNE), Alcino Barris hamutuk ho ekipa ne’ebé servisu ho responsabilidade iha mandatu tinan 2016-2021.

Tempotimor (Dili)-Ministru Assuntu Parlamentares e Komunikasuan Sosiál (MAPKomS), Francisco Martins Jeronimo hatete, remuneratóriu ba jornalista iha hela prosesu no sei obta modelu foun.

Tempotimor (Dili)-Eis Prezidente Repúblika (PR), José Ramos Horta husu ba governu tenke aperta Grupu Arte Marsiál (GAM) ne’ebé membru hakat Ilegál iha fronteira ba Atambua-Indonézia.

Tempotimor (Dili)-Komandu Polísia Nasionál Timor-Leste (PNTL) deside hasai membru Unidade Patrollamnetu Fronteira (UPF) ne’ebé fasilita sidadaun tama no sai ilegál iha fronteira, bainhira prosesu identifika viola lei.

Tempotimor (Dili)-Uniaun Europeia (UE) no Fundu Nasaun Unidas ba Labarik(UNICEF) apoiu Ministeriu Edukasaun Juventude no Desportu (MEJD) hodi komabate violénsia hasoru labarik iha Timor-Leste (TL).

Tempotimor (Dili)-Komandu Polísia Nasionál Timor-Leste (PNTL) liuhusi atividade operasaun konjunta konsege kaptura membru Grupu Arte Marsiál (GAM) na’in-4 (haat) durante ne'e fasilita movimentu ilegál iha fronteira terrestre Timor-Leste ho Repúblika Indonézia (RI).

Tempotimor (Dili)-Primeiru Ministru (PM), Taur Matan Ruak, deklara iha tempu badak governu sei obriga Funsionáriu Públiku (FP) sira tama servisu tenke iha kartaun vasina Covid-19.

Iha tempu badak governu sei ezije funsionáriu públiku hothotu ne'ebé serbisu iha estadu, so tama serbisu bainhira sira iha kartaun vasina nian”, deklara Primeiru Ministru, Taur Matan Ruak, durante diskursu iha serimónia simu vasina husi governu Australia, iha SAMES, Kampung Alor, kuarta (11/08).

Iha guide line tolu, ba oin Governu hakarak responsábiliza sidadaun sira ne'ebé la simu vasina ba sira-nia risku sira-nia vida rasik. Tanba Governu komesa halo ona iha universidade sira, no iha pais balu komesa halo ona, no iha Timor-Leste mós sei aplika.

Tanba ezemplu, iha Estadus Unidus Amérika (EUA) empréza sira atende funsionáriu sira ne'ebé vasina, no ida ne'ebé laiha, tenke hela iha uma, to'o balu hasai husi servisu.

“Provavelmente, iha Timor ita sei uza ida ne'e, para que ita-nia sidadaun sira labele manán ábitu ezíje Governu de'it, akuza Governu de'it, mas sira rasik komesa sente katak ita-nia moto saúde nian katak, "ita-nia saúde iha ita-nia liman rasik". Ha'u mate ka ha'u moris, sala ne'e, loos ne'e sei iha ha'u-nia liman. Entaun, ne'e iha guide line tolu ne'ebé governu sei uza para que orienta komportamentu governu ida ha'u lidera iha ne'e ba oin”, afirma Taur. (*)