Tempotimor (Dili)-Governu Konstitusionál daualu liuhusi Ministériu Finansas realiza ona transferénsia orsamentu subvensaun públiku ho montante millaun $15 ba konta bankária “Conferência Episcopal Timorense” (CET). Tranferénsia ne’e Governu realiza hafoin akordu subvensaun públiku refere hetan ona “visto prévio” husi “Câmara de Contas”.

Tempotimor (Dili)-Sekretáriu Estadu Protesaun Sivíl (SEPS), Joaquim José Gusmão dos Reis Martins hatete, durante Timor-Leste hasoru kalamidade boot SEPS hetan rejista apoiu umanitária hamutuk 45 husi entidade oioin.

"Ita simu apoiu entidade barak tebetebes até agora ita simu apoiu husi entidade hamutuk 45 ne'ebé mak fó apoiu ba ita, husi Embaixada sira, no husi ajénsia internasionál sira, kompaña no individuál sira”, informa SEPS Joaquim José Gusmão hafoin hasoru malu ho Primeiru Ministru, Taur Matan Ruak, iha nia rejidénsia, Farol, segunda (17/05).

Apoiu hirak ne'ebé mak simu husi Sekretáriu Estadu Protesaun Sivíl (SEPS) kanaliza hotu ona ba família vítima sira.

Maibé, entidade balun fó apoiu orsamentu no balun apoiu liuhusi material hodi suporta família vítima sira ne'ebé mak presiza

"Sira barak mak apoiu hahán, balun la'ós hahán balun fó kulxaun balun fó fós, no balun susuben no ita tau hamutuk tau pakote ida mak fahe ba ita-nia komunidade sira nune'e mós apoiu fundus balun”, afirma nia.

Fundus apoiu hirak ne'e mai husi Embaixada Xina liuhusi Cruz Vermella Xiina ho montante dólar rihun-ida, no Assosiasaun husi Kompaña xina fó apoiu US$5.000 no Embaixada Tailándia nia funsionáriu sira ne'ebé fó ajudu ba hamutuk ho montante US$2500 sira hirak ne'e fó povu ba operasaun.(*)

Tempotimor (Dili)-Kongregasaun Madre Canosiana husi Balide, Madre Guilermina Marcal hatete, durante Serka Sanitária no inundasaun ne'ebé akontese hahú iha loron 04 fulan-abril tinam 2021 fó apoiu umanitária hamutuk uma kain 2000 resin.

Tempotimor (Dili)-Xefe Suku Bekora, António da Silva Soares hatete, governu presiza apoiu hahán umanitária ba populasaun aldeia 7 iha Suku Bekora, Postu Administrativu Kristu Rei, Munisípiu Dili.

Tempotimor (Dili)-Administradór postu administrativu Laklo, Munisipiu Manatutu, Samuel Rodirguês Pereira, agradese Ekipa Halibur Laklo Anan (HLA) ba apoiu umanitária ne’ebé halibur ba vítima Dezastre Naturál.