Tempotimor (Díli)-Sekretáriu Estadu Kooperativa (SEKoop), Elizáriu Ferreira, agradese ba Funsionáriu no Dosente husi East Timor Coffee Instutute (ETCI) tanba oferese fatin hodi hari’i kooperativa Kréditu Uniaun-Rai Osan Hamutuk Liberta Ki'ak (CU-ROHALIK) iha Postu Administrativu Gleno, Munisípiu Ermera.

Tempotimor (Gleno)-Sekretáriu Estadu Kooperativa (SEKoop), Elizário Ferreira, fó tomada posse ba Estrutura eleitu Kréditu Uniaun-Rai Osan Hamutuk Liberta Oan Ki'ak (CU-ROHALIK) 17 iha East Timor Coffee Institute (ETCI), Postu Administrativu Gleno, Munisípiu Ermera.

Hafoin SECoop Posse, husu ba estrutura eleitu CU-ROHALIK atu kuidadu vida kréditu uniaun sira hodi jere didi’ak osan sira iha kréditu uniaun sira.

“Dirijente sira sura ita-nia osan rasik no kuidadu ba kooperativa nia misaun no oinsá atu jere rasik nia iha nia kooperativa sira, hanesan matéria jestaun finanseira”, dehan Elizário Ferreira iha ETCI Gleno, sesta (09/10).

Nune'e bele rai osan ba eskola nian atu oan sira bele asesu eskola iha banku universidade sira.

"Agora, iha simpanan barak loos. Agora simpanan loron jadian nian, no simpanan ba edukasaun, ita rai osan, ba eskola nian tinan sanulu mai ita iha ona osan hodi selu ba eskola”, esplika nia.

Maibé husu ba membru sira bainhira atu empresta osan tenke servisu maka'as ni labele empresta de'it tanba bele hamate kréditu uniaun sira ne'ebé mak envolve.

Alende ne'e Prezidente Eleitu CU-ROHALIK, Mário Madeira, husu ba SEKoop atu kontinua fó formasaun akuntabilidade tanba sei menus koñesimentu ba matéria ne'e.

"Hanesan Estrutura Eleitu husu ba Eselénsia Sekretáriu Estadu Kooperativa atu kontinua fó formasaun akuntabilidade ba ami tanba ami iha ne'e sei menus kona-ba siénsia akuntabilidade ne'e”, dehan nia.

Antes ne'e, SEKoop fó ona treinamentu báziku ba membru Kooperativa atu ema hotu ne'ebé hari’i ona kooperativa bele iha ona koñesimentu báziku sira.

Estrutura CU-ROHALIK kompostu husi Konseleiru Na’in-5 no Estrutura Dirijente Koooperativa hamutuk 11 ne’ebé hanutuk ema na’un-17 iha Postu Administrativu Glenu, Munisípiu Ermera nian. (*)