Tempotimor (Dili)-Governu liuhusi Konsellu Ministru (KM) aprova ona projetu Dekretu-Lei ne’ebé aprezenta mós husi Primeiru Ministru, atu kria Servisu Apoiu ba Sosiedade Sivil no Auditoria Sosiál (SASSAS).

Tempotimor (Díli)-Koordenadór Gabinete Apoiu Sosiedade Sivíl (GASS), Filipe da Costa hatete, organizasaun Komunitária no rezisténsia hamutuk 79 selebra akordu subvensaun  atu suporta Governu implementa programa hodi asegura ai-hán seguru nutrisaun populasaun iha Timor-Leste.

"Iha grupu terseiru ida ne'e nia laran ne'e iha organizasaun iha baze komunitária iha 51 no organizasaun rezisténsia ne'ebé hetan benefisiáriu iha Apoiu Sosiedade Sivíl ne'e  28, objetivu husi akordu ne'e fó apoiu ba grupu sira inklui komunidade hodi suporta Governu atu asegura ai-hán ne'ebé seguru nia nutrisaun ba nia populasaun sira”, dehan Filipe da Costa iha Palásiu Governu, tersa (14/09).

Tanba husi ajudu sira ne'e bele apoiu komunidade sira atu hetan rendimentu loroloron nian, inklui mós ba organizasaun advokasia seluk sira atu garante nia governasaun iha rai laran.

"Ajuda no tulun komunidade hetan rendimentu uma-kain ninian nune'e mós atubele tulun ita-nia organizasaun liiga ba advokasia hodi tau matan ba servisu públiku sira atu asegura boa governasaun iha ita-nia rain ba direitu umanu demokrátika iha tempu oin mai”, esplika nia.

Atividade sira ne'ebé mak grupu sira hala'o hanesan ortikultura, no grupu seluk ne'ebé instalasaun bee-moos ba komunidade sira iha suku laran no iha grupu balun ne'ebé fó formasaun ba grupu agrikultór seluk. (*)

Tempotimor (Díli)-Koordenadór Gabinete Apoiu Sosiedade Sivíl (GASS), Filipe da Costa hatete, Timor-Leste (TL) presiza intervensaun maka’as ba seguransa ai-hán no nutrisaun iha tempu krize.

Tempotimor (Kelikai)-Forum Organizasaun non Governamental Timor-Leste (FONGTIL) realiza Dialogu Nasionál Sosiedade Sivíl ho Governu no Komunidade iha Uaibitai, Aldeia Laumana, Suku Letemumu, Postu Administrativu Kelikai, Munisípiu Baukau ho tema Hamutuk Hametin Parseiru Krítiku Hodi Define Progressu Ba Dezenvolvimentu Nasionál.

Tempotimor (Dili) –  Koordenador Gabinete Apoiu Sosiedade Sivíl (GASS), Filipe da Costa afirma, GASS sei hapara ajuda ba konstrusaun igreja foun iha 2020.

“Ba tinan 2020, sei la iha fundus ba projetu foun igreja nian. Tanba projetu konstrusaun igreja nian dadaun ne'e, sidauk remata. Entaun, nafatin kontinua konstrusaun to'o tinan oin,” Filipe informa iha Palásiu Governu, Segunda (14/10/19).

Tuir Filipe, fundus ne'ebé  atu halo konstrusaun igreja foun Governu transfer tiha ona ba Konferensia Episkopal. Ne'ebé, nia dehan tan, ba tinan 2020, GASS so tau dei't osan uitoan ba konstrusaun igreja hirak ne'ebé mak seidauk remata.

"Relasiona ho fundus ba konstrusaun igreja, ezekuta iha parte rua. GASS fó ona uluk %40 ba implementa. Depois entrega tiha relatóriu, hafoin fó tan %60 atu ezekuta tan ba oin. Maibé, ate agora husi projetu igrjea hirak ne'e, sira sidauk entrega relatoriu ba %40 nian," tenik Filipe.

Nia subliña, iha tinan 2019 GASS hetan orsamentu hamutuk besik millaun $6 no iha orsamentu ne'e aloka ba organizasaun sosiedade sivíl ho montante $300 mill resin, organizasaun rezistensia millaun $1.5 no Sentru Nasional Chega millaun $1.5 no restu ne'e ba organizasaun relijiozu sira.

"Tuir envelope fiskál ba tinan 2020 GASS nian ho montante millaun $7. Fundus ne'e atu halo kontinuasaun ba konstrusaun igreja ne'ebé seidauk remata nomos balun fó apoiu ba servisu organizasaun sosiedade sivíl nian," Filipe dehan.

Tempotimor (Dili) – Gabinete Apoiu Sosiedade Sivíl (GASS) relata, durante tinan 2019 nia laran, Governu fó ona apoiu finanseiru ba projetu Igreja Ai-mutin ho montante $300 mill-itál, Igreja Bekora $300 mill-itál no Eskola Fatumeta $400 mill-itál.

Koordenador Gabinete Apoiu Sosiedade Sivíl (GASS), Filipe da Costa dehan, rezultadu husi apoiu hirak ne'e hatudu kuaze barak mak la'o ho di'ak.

"Iha implementasaun ba projetu igreja balun, ne'ebé uluk aprova tiha ona husi Governu dahuluk no agora iha nia kontinuasaun hanesan konstrusaun Igreja Ai-mutin, Igreja Bekora no eskola Fatumeta ne'ebé dadaun ne'e la'o hela," hateten Filipe iha Palásiu Governu, Segunda (14/10/19).

Nia esplika, progresu konstrusaun igreja nian parte Governu aloka tiha ona orsamentu tinan 2019 nian ba. Maibé, kona-ba ninia lala'ok ne'e so parte kompañia mak bele esplika didiak kona-ba kestaun téknika nian.

Filipe afirma, konstrusaun igreja no eskola ne'ebé iha, tuir nia observasaun, presiza aselera liután tanba kestaun tempu.

Nia dehan, fundus ne'ebé aloka ne'e husi tinan 2019 nian bazeia ba monitorizasaun iha baze, tanba  sira mós importa sasán balun husi rai liur, ne'ebé dadaun ne'e sei iha dalan.

"Nune'e, Primeiru Ministru mós hakarak Gabineti Apoiu Sosiedade Sivil mantein nafatin fiskalizasaun no monitorizasaun hodi observa progresu projetu igreja no eskola. Konstrusaun hirak ne'e, sai mós hanesan ezemplu ba konstrusaun sira seluk tanba kooperasaun entre Governu ho igreja la'o di'ak  tebes," Filipe esplika.