Tempotimor (Dili)- Konsellu Ministru (KM) aprova ona proposta ida kona-ba kobransa  taxa husi Portu Tibar nian.

 

Tempotimor (Dili)-Atu antisipa sirkulasaun virus Corona, kompaña Xina ne'ebé implementa projetu iha Timor Leste estabelese mós klinika iha sira-nia fatin hodi izola nia staf sira ne'ebé foin fila husi Xina.

Ministru Obras Públika (MOP) Salvador Pires hatete, kompaña Xina ne'ebé implementa projetu iha TL iha maneira rasik hodi halo prevensaun ba virus Corona.

"Kompaña idaidak iha ninia maneira, iha portu Tibar estabelese klinika ida iha ne'eba, estaf sira ne'ebé foin fila husi Xina sei karantina iha ne'ebá no sira observa loos ona mak foin haruka serbisu," informa Salvador ba jornalista sira iha PN, Tersa (04/03).

Maibé, nia hatete, molok tama iha Timor Leste ema sira ne'ebé hala'o viajen ba rai li'ur hetan ona teste iha nasaun sira seluk hanesan Australia, Singapura, no Indonezia.

Tempotimor (Dili) – Prezidente Tribunál Rekursu (PTR), Deolindo dos Santos husu ba eis Komandante em Xefi FALINTIL, Xanana Gusmão no entidades hotu-hotu atu hatudu faktus no hatama keixa, ba Konsellu Superiór Majistratura kona-ba juis sira ne'ebé simu subornu relasiona ho kazu Kaitehu, Munisípiu Likisa.

“Ha'u rona, hotu-hotu ko'alia katak juiz sira simu osan. Inklui Maun Boot Xanana nia intervensaun mós ko'alia ida ne'e,” afirma Deolindo iha edifisiu Ministériu Finansas, Aitarak-laran, Segunda (16/09/19).

Nia dehan, keixa no faktus hirak ne'e bele aprezenta iha kualker momentu. Nia hatete, ohin simu, ohin kedas konsellu Superiór Majistradu prosesu imediatu. “Ha'u sei hasai juis sira ne'ebé mak partisipa iha erru, liuliu simu subornu hodi benefisia ba interese, relasiona ho atuasaun Maun Boot Xanana Gusmão nian iha Kaitehu,” Deolindo esplika.

Nia esplika, bainhira komete erru ne'e krime, entaun tenke la'o tuir dalan legál. "Krime ka subornu ne'e, prosesu kriminál sei la'o. Depois, kuandu iha prova ruma hatudu katak juiz ruma ne'ebé simu duni osan, hasai nia imediata," Deolindo afirma.

Antes ne'e, iha loron 10 Setembru 2019 Xanana Gusmão ho hirus deklara katak nia sei la ba hasoru tribunál, tanba nia mak ba sobu lutu ne'ebé dezisaun husi tribunál.  

"Ha'u mak fó ordem, ba servisu, ba servisu. Kompañia ne'e laiha buat ida,tribunál hatudu katak nu'udar instituisaun estadu hatene saida mak interese nasionál no interese pesoál. Ha'u fiar, Marinho Enterprise la'o ba sogok tiha sira ona, ha'u fiar Ida ne'e," Xanana akuza.

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com