Tempotimor (Dili) – Governu liuhusi reuniaun Konsellu Ministru (KM) aprova proposta deliberasaun husi Ministru Obras Públika (MOP), kona-ba alterasaun kontratu ho kompaña China Wu Yi Co.Ltd hodi halo reabilitasaun ba estrada iha sidade Dili.

Tempotimor (Díli) – Forum ONG Timor-Leste (FONGTIL) husu Governu atu tau atensaun no hadi'a infraestrutura iha área edukasaun, ne'ebé oras ne'e kontinua difikulta estudante sira nia prosesu aprendijazen.

"Tuir dadus ne'ebé iha, kona-ba estudante sira ne'ebé rejistu ba eskola  hamutuk porsentu 94. Signifika, númeru estudante aumenta boot. Entaun, liuhosi númeru estudante boot ne'e, Governu tenke haree ba infraestrutura kona-ba sala de aula, biblioteka, sala profesór nian, bee, hariis-fatin  no seluk tan," dehan Diretór Ezekutivu FONGTIL, Daniel Santos do Carmo iha Balide, Tersa (10/09/19).

Nia hatutan, Governu presiza haree ba edifisiu eskola, tanba maioria edifisiu eskola konstrui iha tempu Indonézia.

"To'o ukun an, ita hadi'a de'it. Kontribuisaun sira ne'e agora aat hotu. Entaun, agora ne'e ita presiza millioens US$ 30, para halo investimentu iha infraestrutura, hodi aumenta sala de aula ba estudante sira," nia haktuir.

Diretor ne'e mós hatete, eskola públiku sira iha territóriu tomak nia kondisaun la ideal, kompara ho eskola privadu sira.

"Eskola públiku hotu ne'ebé iha Timor laran tomak ne'e la ideal ona. Konstrusaun eskola ideal iha Timor ne'e so eskola privadu,” nia dehan tan.

Tuir Daniel, eskola públiku ne'ebé ideal tenke iha hariis-fatin, promove fase liman ho sabaun.  “Maibé, infraestrutura báziku hanesan bee-moos iha eskola laiha. Tanba, edukasaun ne'e la'ós hanorin ema para sai matenek de'it. Maibé, eduka mós ema iha aspetu hotu-hotu," nia haktuir.

Tempotimor (Dili) - Konselu Ministru (KM) aprova ona Alterasaun ba Lei Pensaun Vitalísia bolu Rejime Jurídiku ba Seguransa Sosiál ba Eis Titulares Órgaun Soberania ne’ebé aprezenta hosi Ministériu Reforma Lejizlativa no Asuntu Parlamentar (MRLAP).

Proposta ne'ebe atu halo alterasaun ba pensaun vitalisia aprezeta mai husi Ministru Lejizlativu Asuntu Parlamentár (MRLAP), Fidelis Manuel Leite Magalhaes.

Tuir Ministru Fidelis, rezolusaun ne'e atu valoriza ba eis-titulár sira ne'ebe kontribui ba orgaun soberania Timor-Leste nian.

"Proposta ne'e depois sei hato'o ba Parlamentu Nasionál", dehan nia, iha Palásiu Governu, Kuarta (19/2).

Vantajen hosi Alterasaun Lei Pensaun Vitalísia ne’e, sei salva osan Estadu $100 Milloins (Dolar Amerikanu Juta Atus Ida) iha tinan 30 oin mai.

 Proposta Lei ne'e sei hamate artigu balun Rejime ne'ebe iha daudaun ne'e hodi troka fali ba rejime sosial. (*)

Tempotimor (Dili) – Diretór Jerál Turizmu, José Quintas hatete Ministériu Turizmu (MT) preve orsamentu hamutuk millaun $1.2, iha tinan 2020 hodi dezenvolve fatin turistiku iha rai laran.

Orsamentu hirak ne'e, sei foka ba iha situ sira hotu-hotu hanesan dezenvolvimentu rekursu umanu, promosaun, turizmu báziku komunitaria no meloramentu ba servisu.

"Tuir planu estratéjiku 2011-2030, ita atu halo dezenvolvimentu ba fatin turistiku iha zona tolu. Tanba ne'e, mak iha tinan 2020 mak sei halo master plan ba zona tolu ne'ebé hanesan parte Leste, Oeste no Sentral," Jose Quintas esplika iha Otél Novu Turizmu, Sesta (11/10/19).

Diretór ne'e afirma, loloos orsamentu husi MT preve millaun $1.5. Maibé, Komite Revizaun Orsamentu hamenus ba 50 %. Maski nune'e, José dehan, orsamentu ne'ebe iha MT komesa haree ona ba master plan iha tinan 2020 nian, para oinsá atu dezenvolve setór Turizmu no haree ona ba longu prazu.

"Halo dezenvolvimentu, presiza mós planu ida ne'ebé di'ak atu konsidera mós ambiente no impaktu  sosiál. Labele hakfodak mai dezenu BOQ ba hala'o kedas. Ne'e ladún di'ak. Presiza ho pasensia para bele garante ba kualidade dezenvolvimentu," Quintas esplika.

Tempotimor (Dili) – Bankada opozisaun FRETILIN sadik Bankada Aliansa Mudansa ba Progresu (AMP) atu hatama rekerimentu ba Komisaun Inkéritu Parlamentar (KIP) kona-ba Ró Haksolok para FRETILIN subskreve.

"Se imi dehan Ró Haksolok la mai, entaun ita sakrifika de'it estadu no osan estadu billaun $13 atu husik hela ka? Ha'u husu maluk Aliansa Mudansa ba Progresu hatama rekerimentu ba Komisaun Inkeritu Parlamentar (KIP) atu FRETILIN subskreve. Ita tenke hahú buka hatene prosesu kontratu inisiál ne'e. Kontratu konstrusaun ka kontratu kompra e venda ne'e, se mak halo ajustu direitu," deklara Prezidente Bankada FRETILIN, Aniceto Guterres iha plenária PN, Tersa (15/10/19).

Entretantu, Prezidente Komisaun C Parlamentu Nasionál, Maria Fernanda Lay ne'ebé trata asuntu Finansas Públika dehan, osan ne'ebé estadu Timor-Leste lakon ona ba Ró Haksolok hamutuk millaun $16.

"Kalkulasaun osan ne'ebé mak gastu ona ba konstrusaun Ró Haksolok hamutuk millaun $16, ne'ebé selu tiha ona %70 ba Ró Haksolok. Nune'e mós ba pontoens %50. Ami hakfodak haree pontoins tanba momentu ne'e ha'u la hatene saida mak pontoins. Maibé, bainhira ami haree besi boot hanesan ho Ró ne'e tolu," dehan Fernanda Lay.

Nia parte afirma katak, kontrusaun fízika ba Ró Haksolok iha ona %70, inklui autoriedade RAEOA halo ona pagamentu.

"Iha konstrusaun fízika ba Ró-ahi Haksolok rasik, to'o ona %70 no pagamentu rasik halo ona husi RAEOA, estaleiru ne'ebé kuaze %90 ba kustu totál kontrusaun ne'e. Maibé, konstrusaun Ró-ahi Haksolok la tama iha aset estadu Timor-Leste nian, hanesan estaleiru Atlantic igel ninian seidauk rejistu iha aset Timor-Leste nian," dehan Lay.

Tempotimor (Dili) – Kay Rala Xanana Gusmão, Kuarta (11/09/19) observa direta servisu kompañia China Harbour Timor, Lda ne'ebé produz britas ba konstrusaun Portu Tibar.

"Imi haree, agora loke ona. Sira servisu nafatin, ha'u iha ne'e katak horseik ha'u dehan tiha ona, se mak prende ha'u, ba de'it kaer. Mas, servisu labele para. Tanba, ne'e la'os ha'u nian. Ha'u mai defende de'it interese nasionál. Ha'u mai tiha ona iha ne'e," dehan Xanana Gusmão iha Tibar.

Lider nasionál ne'e husu Kompañia Marino Enterprise atu labele reklama rai ne'e Marino Enterprise nian. "Marino labele reklama rai ne'e nia avó ninian. Nia avó nia ruin la hakoi iha ne'e. Nia avó nia ruin la hakoi iha ne'e," Xanana afirma.

Xanana mós husu ona ba Sekretáriu Estadu Terras Propriedades kona-ba prosesu Kompañia Marino Enterprise sosa rai refere.

"Horseik, ha'u husu ona Sekretáriu Estadu Terras Propriedades atu hatene horbainhira mak nia sosa rai ne'e. Horbainhira mak nia sosa rai pedasuk oan ne'ebá. Se sosa rai pedasuk oan ne'ebá hodi hetan benefisiu. Benefisiu la'ós ida ne'e. Kompañia sira servisu ne'e fó servisu ba Timoroan," nia tenik.

Eis Prezidente RDTL ne'e mos dehan, konstrusaun portu ne'e fó servisu ba Timoroan sira. "Ho ema nia oan ida moris iha Maubisse. Iha tempu Indonézia,  nia  moris kapás loos, tanba ne'e mak horseik ha'u dehan, lahatene ema barak ne'ebé ohin loron kaer, hanesan kbi'it uitoan, lahatene tinan ruanulu ba kotuk ne'e sira vota ba independensia ka vota ba autonomia. Ida ne'e, mak perguntas ba ha'u tanba ne'e ita tenke haree interese nasionál  la'ós interese privadu fali," nia dehan.

Tempotimor (Dili) – Primeiru Ministru Taur Matan Ruak deklara, bainhira polémika kona-ba Membru Governu (MG) na'in sia (9) labele rezolve, nia prontu atu ba Eleisaun Antesipada (EA).

Tempotimor (Dili)-Governu Aliansa Mudansa ba Progresu (AMP) besik atu tama ba tinan rua kaer ukun, maibé to'o ohin loron seidauk konsege hetan solusaun ba problema membru governu la kompletu. Ba kestaun ne'e, Primeiru Ministru Taur Matan Ruak entrega de'it ba tempu.

Tempotimor (Dili) – Presidente RAEOA-ZEESM, José Luis Guterres husu tan tempu ba tribunál iha Coimbra (Portugál), hodi bele rezolve ró-ahi Haksolok.

“Ha'u halo ona enkontru ho advogadu, para bele foti desizaun ruma hodi rezolve problema ró-ahi Haksolok. Tanba, problema ne'e mai kleur ona. Hahú kedas bainhira ita asina kontratu ida ke ladún hatene empreza nia istória ne'e,” informa Lugu ba jornalista hafoin sorumutu ho SECOMS iha Palásiu Governu, Tersa (19/11/19).

Hatán kona-ba deadline dia 19 Novembru 2019, nu'udar loron ikus ba Governu TL hodi resposta karta husi Tribunál Coimbra? “Ha'u sei presiza tempu. Tanba ha'u ema foun no foin mak hetan tomada pose,” Lugu hatán.

Lugu mós dehan, presiza estuda tan matéria husi problema ró-ahi ne'e, ho nune'e iha desizaun ikus labele fo impaktu ba estadu TL no nia povu rasik.

"Ohin loron, kuaze todo dia, hau hetan malu ho advogadu sira RAEOA nian no advogadu husi Konsellu Ministru para buka dalan ida, hodi husu tempu tan. Tanba, ami foin to'o tempu para estuda didiak ho situasaun ida ne'e. Ho nune'e, bele foti desizaun labele iha kustu adisionais ba ita nia estadu," nia hatutan.

Tempotimor (Dili) - Komisaun Funsaun Públika aprezenta proposta Dekretu Lei Forsa Traballu ba Primeiru Ministru atu bele halo aprovasaun iha Konsellu Ministru.

Page 1 of 3

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com