Login to your account

Username *
Password *
Remember Me

Items filtered by date: Thursday, 24 September 2020

Friday, 25 September 2020 08:39

MPM Kompleta MKA Husi Institusaun Automoma

Tempotimor (Dili) - Hafoin Ministeiru Petróleu no Mineral halo re-estruturasaun ba lideransa ba ANPM, Timor Gap no IPG, MPM mos kontinua halo kompleta membru konsellu admistrasaun autonomu ne'ebé iha institusaun sira ne’e.

Ministru Victor da Conceição Soares hateten, progresu servisu ministeriu nian ba Primeiru Ministru hafoin substitui lideransa husi ANPM, Timor Gap inklui IPG. 

Governante ne'e akresenta, progresu servisu iha institusaun ANPM hafoin restruturasaun servisu tomak la’o normal, maibe iha tempu badak mos sei kompleta membru konsellu admistrasaun husi institusaun ANPM nian.

"Iha komponente membru konsellu admistrasaun maka seidauk kompleta, ne'ebé iha tempu badak sei buka atu kosolidada didiak," dehan Victor, iha Palásiu Governu, Kinta (24/9).

Victor hateten, iha Timor Gap servisu mos lao diak, maibe falta mos iha membru konsellu admistrasaun ida husi ministeiru finansas tanba durante ne'e Timor gap iha deit membru nain hat. 

Nune'e, dezde inisiu Victor mos hato'o pedidu ona ba Ministeiru Finansas atu oferese pesoal ida hodi kompleta membru konsellu admistrasaun iha Timor Gap, nune'e bele ajuda ezekuasaun orsamentu sira iha Timor Gap no hetan ona resposta ba kandidatura husi Ministeiru Finansas hodi halo kompleta membru konsellu admistrasaun.

"Presiza iha ema husi finansas para halo akonpanã no mos halo avaliasaun ba jestaun sira ne'e hotu," tenik nia.

Entertantu, governante ne'e hatutan, IPG ne'ebé hafoin subtitui Prezidente, funsiona la’o normal no iha membru konsellu admistrasaun ne'ebé hamutuk nain tolu.

Antes ne'e, Ministéru Petróleo no Minerais troka ona Prezidente ANPM, Timor Gap no IPG ho rajaun atu halo servisu iha institusaun autonomu petróleo no minerais lao diak liutan. (*) 

Published in Politika
Friday, 25 September 2020 08:31

SEKoop Hetan Tokon $7.8 Husi OJE 2021

Tempotimor (Dili) - Orsamentu Jerál Estadu (OJE) ba tinan 2021 nian parte Sekretária Estadu Kooperativa (SEKoop) hetan montante orsamentu hamutuk tokon US$ 7.8 no laiha tan pedidu adisionál.

Sekretáriu Estadu, Elizário Ferreira hatete, SEKoop la halo tan proposta adisionál tanba, valór orsamentu ne'e rasik sufisiente ona, no bainhira kompara ho OJE 2020 nian la konsege to'o tokon US$ 4, maibé agora atinje to'o tokon US$ 7.8.

Nia konsidera, ho montante OJE 2021 ne'ebé sufisiente liu, ida ne'e mós hanesan teste ida ba SEKoop atu bele halo planu ka ezekuta duni ida ne'e ka lae, tanba ne'e sira prontu atu servisu hodi hala'o servisu ne'ebé kontribui ba atividade produtivu sosiedade ninian.

“SEKoop laiha adisionál, Sekoop simu tomak desizaun mai husi governu hamutuk tokon US$ 7.8", hatete Elizário Ferreira, iha Akait, Kinta (24/09).

Nia hatutan, husi orsamentu tokon US$ 7.8 ne'ebé iha rihun US$ 600 sei koloka ba saláriu vensimentu, bens no servisu hamutuk tokon US$ 2.4 no restante ne'e nia baze orsamentu hamutuk tokon US$.4.5 sei aloka ba transferensia públika.

Iha transferensia públika ne'e hamutuk tokon US$.3.5 ne'e sei ba liu rekuperasaun ekonómiku hodi aloka ba iha kooperativa kréditu sira atu fasilita kréditu ba membru sira kooperativa nian ho 2% kada tinan ba jurus.

"Husi 2% neee atu bele absorve ba kooperativa hotu ne'ebé hamahan aan iha federasaun kooperativa kréditu Hanai-Malu. Kooperativa fó kréditu ba ami nia membru sira ne’e ho 4% kada tinan. Signifika 4% nee dividi ba 12 ne’e 0.3%", dehan nia.

Nia fó ezemplu katak, karik ema ida deve US$ 1.000 iha kooperativa, ne'e nia só selu jurus ne'e US$.3kada fulan, signifika ida ne'e ki'ik liu ona entre sira ne'e hotu, tanba kooperativa mosu ho ninia kritériu rasik, ho ninia edukasaun sira rasik ne'ebé la depende ba kapitál ne'ebé membru sira rasik iha, maibé depende ba vontade ho karater di'ak ne'ebé nia rasik iha.

"Katak nia deve osan US$1000, atu halo atividade produtivu no nia promete katak nia sei devolve. Ida ne'e maka atu bele hala'o, atu nune'e bele kontribui ba asegura sustentábilidade husi rekuperasaun ekonómika ne'e ninian", dehan nia.

Entretantu totál kooperativa ne'ebé oras ne'e SEKoop rejista iha baze dadus hamtuk 214 mak eziste iha territóriu TL. (*) 

Published in Ekonomia

Tempotimor (Dili) - Ministru Asuntu Parlamentár no Komunikasaun Sosiál (MAPKOMS) Francisco Jerónimo deklara, sei tau atensaun ba média hotu-hotu oinsá bele garante diseminasaun informasaun.

Published in Politika
Thursday, 24 September 2020 16:09

Angela Konsidera OJE 2020 Lori Estadu ba Rai Kuak

Tempotimor (Dili)-Portavoz Gurpu Rezitensia Nasional Defende Justisa no Konstituisaun RDTL (RNDJ-KRDTL) Angela Freitas Konsidera aprejentasun proposta orsamentu jeral estadu (OJE) 2020 nu’udar pratika abuzu poder no halimar ho povu nia vida.

Published in Politika

Tempotimor (Manufahi)-Tuir lider nasionál Kay Rala Xanana Gusmão, liberdade ne’ebé Timor-Leste hetan la’os liu husi duni inimigu ho kilat maibé duni ho vontade povu nian ne’ebé hili ukun rasik an liu husi konsulta popular, no negosiasaun ne’ebé frente diplomatika sira halo.

Published in Politika

Tempotimor (Dili) - Ministériu Turizmu no Komérsiu Indústria (MTKI) lansa sertifikadu elektronika hodi fasilitasaun atividade esportasaun no importasaun entre Timor-Leste ho Xina.

Ministru Turizmu no Komérsiu Indústria, Jose do Carmo da Silva hateten, lansamentu sertifikadu ne'e oportunidade no istoriku ba Timor, liuliu ba governu no parseiro sira, tanba bele lansa sertifikadu orijen eletróniku ne'e.

"Era dijital agora ne'e ita presiza tebes atu buka meiu hodi bele akomoda interese autór sira ne'ebé halo negósiu, ho nune'e bele fasilita sira hodi kompete iha merkadu rejionál no internasionál", dehan Ministru, iha edifísiu MTCI, Kinta (21/09).

Nia hatutan, ministériu hanoin tebes atu kria atendementu públiku ne'ebe lais, fasil no tranparante ba pasu importante ne'e.

Sertifikadu ne'e sei haforsa no hakbiit integrasaun dadus orijen Timor ninia, ho nivel rejionál no nivel internasionál iha prosesu negósiu.

"Medida no estratejia ne'e ita opta atu hasae ka eleva kompetividade iha nivel rejionál no internasionál, nune'e atu dudu TL adopta pratika ho negosiu ho inovativu no enkoraja fasilidade negósiu, ho estandar ne'ebe adopta ona iha nivel rejionál no internasionál", dehan Ministru José.

Lansamentu ne'e mós aliña ho programa Governu nian diretiva iha implementasaun programa servisu dijitál nian.

Ministru mós atu partilla ba públiku katak, bazeia ba dadus ne'ebé publika iha website forum Makau ninia, bazeia mós ba estatistika costum service ne'ebé relata katak TL iha relasaun merkadu relativamente, aumenta uitoan negósiu ho governu Xina iha nasaun CPLP por volta de tokon $ 1.950 iha transasaun komersiál.

Lansamentu sertifikadu orijen ne'ebé lansa, sei haforsa no atinji meta jeral fasilidade halo negósiu nian iha enkuadramentu Ázia Pasífiku nune'e mos iha Uniaun Europeia ninia.

Ministru haforsa tan, sertifikadu ne'e util tebes iha relasaun atu halo importasaun no esportasaun ba Xina, nune'e mos ba rejiaun Europeia.

Iha fatin hanesan, Embaixadór Xina mai TL, Xiao Jianguo, haksolok tebes tanba TL ho Xina bele halo kooperasaun ba negosiasaun sasán importasaun no esportasaun.

"Ida ne'e servisu hamutuk entre nasaun TL ho Xina iha kooperasaun ne'ebe pozitivu tebetebes" dehan embaixador Xiao.

Nia hatutan, nu'udar reprezentante nasaun Xina agradese ba miniterio hotu hotu, liuliu komérsiu nian no espera ba futuru sei esporta sasán TL nia ba Xina ho diak liután.

Nia dehan, sei nafatin servisu hmutuk ho MTKI no kontrola nafatin kualidade para ba oin avansadu liutan no bele ajuda agrikultór sira.

Tanba, agrikultór iha TL ne'e kapaas tebes, liuliu kafe lakuten, tanba Xina deskobre katak kafe ne'e iha kualidade ne'ebe diak tebtebes. (*)  

Published in Politika

Tempotimor (Manufahi)-Komunidade sira iha Daurata, Suku Fahi-Nehan, Postu Administrativu Fatuberlihu, Munisípiu Manufahi ho lia dadolin hatete lider nasional na’in rua, Kay Rala Xanana Gusmão ho José Ramos Horta mak hali huun boot ba povu ki'ak.

Published in Politika

Tempotimor (Díli)-Atu bele dezenvolve di’ak liu tan setor koperativa negosiu iha Timor-Leste, Sekretariu Estadu Kooperativa (SEKoop) asina nota entendimentu (Memorandum of Understanding—MoU) ho ajénsia Peace Corp husi Amérika.

Published in Ekonomia

Tempotimor (Manufahi)- Eis Prezidente Republika José Ramos Horta hatete, Eis Komadante ein Xefe Falintil, Kay Rala Xanana Gusmão nia luta mundu hotu koñese, la'os Timor-Leste de'it.

Published in Politika

Tempotimor (Dili)-Atu prevene krime organozadu iha Timor-Leste, portavoz grupu Rezitensia Nasional Defende Justisa no Konstituisaun RDTL Angela Freitas husu ba parte seguransa atu hala'o kapturasaun ba Konseleiru Masimu Partidu KHUNTO, Naimori Bucar.

Published in Politika
Page 1 of 2
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2020 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter