Login to your account

Username *
Password *
Remember Me

Governu Foin Ajuda Vitima Insendiu 199

Komunidade sira lere no sunu duut Komunidade sira lere no sunu duut Jose Belo

Tempotimor (Dili)- Sekretáriu Estadu Protesaun Sivíl (SEPS) foin oferese apoiu emerjénsia ba uma-kain 199 husi total 572 ne’ebé sai vitima ba dezastre iha 3 Outubru liu ba.

Sekretáriu Estadu Alexandrino dos Santos informa, tuir dadus provizoriu, daudauk ne’e iha uma-kain 572 mak sai vitima dezastre iha Munisipiu Ermera, Likisa, Aileu no Bobonaro.

"Dezastre Naturais iha munisípiu haat hanesan Ermera, Likisa, Aileu no Bobonaro dadus atuál hamutuk 572, iha dadus sira ne'e ita fó ona apoiu emerjénsia iha 199, sei kontinua iha levantamentu dadus," informa Sekretáriu Estadu ne’e iha palásiu governu, Kuarta (09/10/19).

Nia dehan, governu sei halo verifikasaun ba dadus ne’ebé autoridade lokal sira fó hafoin lori apoiu hodi fó ba vitima sira.

"Iha momentu ida agora ita apoiu ne'e iha tipu rua mak emerjénsia nian mak hanesan foos, mina, supermi no sardina no sasan sira seluk mak hanesan lona no seluk tan, no tipu seluk mak rekoperasaun ka rekonstrusaun," dehan nia.

Atu apoiu vitima sira, nia dehan, nia parte serbisu hamutuk ho ministériu relevante sira hanesan Ministériu Administrasaun Estatal, Ministériu Interiór, inklui mós Kruz Vermelha Timor Leste no Mersicorps.

"Inséndiu ne'ebé akontese iha Ermera balun hetan apoiu ona, tanba dadus tama ona,  balun seidauk sei hein dadus tama, tanba iha Ermera hamutuk 200 resin,  entaun foin mak apoiu 141," dehan Alexandrino.

Entretantu, kona-ba kazu insendiu, Sekretariu Estadu ne’e hatete, kazu inséndiu ne'ebé akontese iha Ermera nu’udar krime ambientál, tanba ne'e sei hein investigasaun.

"Kazu inséndiu ne'e ita servisu hamutuk ho Polisia Nasional Timor Leste, fó ona orden no kontaktu ona mós ba Sekretáriu Estadu Ambiente hodi haree tanba sunu rai, ema ida de'it nia hahalok, iha vítima kuaze atus resin,” dehan nia.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter