Amo sira, Horta no Estudante NOSCAR Reza ba Xanana

By Tempo Timor November 22, 2020 4204

font size decrease font size increase font size
Print
Email

Pároku Parókia Nosa Senhora do Carmo (NOSCAR) Letefoho Padre Hélio Fernandes, vigáriu prokiál Padre Eugénio Redentór Marques Caunan Lafo, hamutuk ho estudante sekundáriu jerál Katólika Nosa Senhora do Carmo simu vizita Eis Prezidente da Repubkika José Manuel Ramos Horta iha sira nia eskola iha Lete Foho, Ermera (20/11) Foto Tempo Timor

Tempotimor (Letefoho)- Pároku Parókia Nosa Senhora do Carmo (NOSCAR) Letefoho Padre Hélio Fernandes, vigáriu prokiál Padre Eugénio Redentór Marques Caunan Lafo, hamutuk ho premiadu Nobel da Pás José Manuel Ramos Horta no estudante sekundáriu jerál Katólika Nosa Senhora do Carmo postu administrativu Letefoho munisipiu Ermera, reza ba lider nasionál Kay Rala Xanana Gusmão atu bele hetan isin diak nafatin.

Orasaun ne’e atu bele akompanha Kay Rala Xanana Gusmão ninia prosesu tratamentu saúde ne’ebé oras ne’e hala’o hela iha Jakarta Indonézia.

Orasaun ne’e dirije direta husi Padre Eugénio Redentór M.C Lafo, iha komemorasaun tinan 28 kapturasaun komandante em Xefe Kay Rala Xanana Gusmão, ne’ebé hala’o iha Igreja tuan Letefoho, Sesta (20/11).

“Ita harohan ba Maromak atu haraik isin di’ak ba ita nia lider Nasional Kay Rala Xanana Gusmão, atu hetan isin di’ak. Ita mós reza ba Prezidente Repúblika, Primeiru Ministru no líder sira seluk atu bele hala’o knaar ukun nian ho isin diak nafatin”, Amo Eugénio sita iha nia orasaun.

Entretantu, Kay Rala Xanana Gusmão viajen urjente ba Jakarta Indonézia hodi konsulta sáude iha loron 18 fulan ne’e. (*)

Rate this item

(4 votes)

Last modified on Saturday, 28 November 2020 00:43

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com