Koordenadór SSKE, Quintiliano Borges hatete, ekipa sira sempre halo atendementu di'ak ba pasiente sira inklui inan isin-rua sira ne’ebé mai partu.
"Bebé ne'ebé durante ne'e SSKE rejista hamutuk 56 ne'ebé kompostu husi bebé mane na'in-32, bebe feto na'in-24. Husi númeru bebé ne'ebé iha, durante ne'e SSKE mós fó konsulta ba inan isin-rua hamutuk 96 inklui halo mós teste Swab ba pasiente Covid-19 hamutuk na'in-100 ne'ebé rejultadu hotu negativu”, dehan Quintiliano ba www.tempotimor.com iha nia kna’ar fatin Ermera, Kinta (11/3).
Sentru saúde mós durante ne’e fó konsulta ba inan isin-rua ne’ebé partu la’o ho di’ak.
Liga ba situasaun daudaun ne’e servisu saúde komunitáriu Ermera vila, no iha loron 11 fulan-marsu tinan 2021 halo teste Swab ba pasiente feto ida ho naran inisiál ESB (20), tanba sidadaun refere mai husi fatin ne’ebé risku no kumpri hela auto-karantina iha uma.(*)