Maibé, pandemia Covid-19 ne'ebé kontinua ameasa ba povu Timor-Leste mak CCI-TL munisípiu Ermera halo asaun refere, tanba presu fós iha munisípiu Ermera hahú aumenta, mak iha loron 18 no 19 fulan-marsu CCI-TL fasilita emprezáriu hamtuk 17 hodi halo intervensaun ba merkadu kona-ba fós ne’ebé folin aumenta.

Prezidente CCI-TL munisípiu Ermera, Luis Alves Tilman hatete, semana ne'e, CCI-TL Munísipu Ermera nian deskute ona ho Sentru Lojístika Nasional (SLN) oinsá haree ba fós refere, nune’e bele distribui ba postu lima iha munisípiu Ermera nomós suku no aldeia sira. Nune'e bele ajuda populsaun kbiit laek no sira ne'ebé rendimentu naton bele hola, tanba fós iha loja no merkadu sira folin komesa sa'e.

“CCI-TL munisípiu Ermera simu kna’ar husi Prezidente Autoridade inklui hanesan organizasaun ne’ebé tutela no mahon ba setór privadu, entaun ita tenke iha responsabilidade másimu nune’e akompaña emprezáriu sira hodi fós mai karik, distribuisaun tenke klaru tuir postu ne’ebé rekomenda”, dehan nia ba www.tempotimor.com iha nia kna’ar fatin, sesta (19/03).

CCI-TL mós relata ona ba autoridade sira liuliu parte seguransa, SLN nomós diretora nasionál regulasaun komersial óinsa atu kontrola di'ak. Nune’e, bele fó biban ba populasaun sira iha postu admistrativu hodi sosa fós atu sustenta família iha surtu covid-19.

"Tenke kontrola maka'as emprezáriu sira, nune’e emprezáriu labele halimar presu tanba ne’e Ermera iha koordenasaun di’ak ho emprezáriu sira no fó koñesimentu hotu”, dehan nia.

Maibé kona-ba rekooperasun ekonomia, di'ak liu governu hala’o polítika foti fós ne’ebé iha SLN distribui ba kompaña sira sosa, bele distribui ba populasaun sira, no senáriu seluk ba futuru karik governu kontinua distribui sesta báziku.(*)