Xefe Suku Maubu, Domingos Noranha, dadaun ne’e komunidade Maubu iha problema oituan kona-ba atendementu pesoál saúde iha postu saúde refere, tanba enfermeru sira la servsu hanesan uluk, kuandu sentru saúde ne’e seidauk estabelese.

“Dadaun ne’e médiku sira konsentra hotu iha Sentru Saúde Munisípiu Ermera (SSME), nune’e abandona sentru refere, maibé semana ida halo atendementu dala ida de’it iha kuarta-feira, tanba ne’e sai difikuldade tebes ba komunidade no suku refere ne’ebé akumula populasaun barak liu. Depois ha’u mós rekomenda ona ba Ministériu Saúde liuliu saúde munisípiu Ermera atu haree kestaun ne’e hodi koleka pesoál saúde permanenete iha postu refere hodi fó atendimentu saúde ba komunidade sira”, dehan nia iha ninia kna’ar fatin, tersa (23/03).

Maske, fasilidade iha postu saúde refere kompletu, maibé laiha pesoál saúde ruma ne’ebé halo servisu permanente iha postu saúde refere hodi fó atendimentu ba komunidade sira.

“Postu saúde refere fó atendementu ba polulasaun suku Maubu, Urahou, inklui suku Lisapat rasik. Entaun komunidade iha suku Maubu de’it hamutuk 2.482 ne’ebé hamutuk suku rua seluk tan, entaun númeru komunidade boot, tanba ne’e presiza pesoál saudé balun ne’ebé permanente hodi halo servisu iha postu saúde refere”, afirma nia.(*)