CCI-TL Ermera Garante Apoiu Lojístika ba Servisu munisipál

Prezidenti CCI-TL munisìpiu Ermera Luis Alves Tilman iha nia kna'ar fatin Gleno Prezidenti CCI-TL munisìpiu Ermera Luis Alves Tilman iha nia kna'ar fatin Gleno Foto Arkivu

Tempotimor (Ermera)-Liga ba situasaun Covid-19 iha munisípiu Ermera ne'ebé kazu pozitivu sa'e ona ba na'in 19, mak Kámara Komérsiu Industria Timor-Leste iha Ermera hamutuk ho kompañia lokál sira asina akordu hodi apoiu autoriedade munisípiu iha parte lojístika.

Liga ba situasaun ne'e, CCI-TL Munísipu Ermera hamutuk ho kompañia lokais sira prontu hodi fo apoiu lojístika ba autoriedade munisipál nian, nune'e sira bele hala'o sira nia kna'ar atu kombate no mitiga surtu corona virus.

Prezidenti CCI-TL munisìpiu Ermera Luis Alves Tilman hatete, nu'udar Ermera oan prontu koopera ho portavos ekipa covid-19 iha munisípiu Ermera nian hodi kontrola rigoruzu liután no oinsà evita moras refere labale kontinua hada'et bà komunidade sira.

"Ha'u hanesan Prezidenti CCI-TL munisìpiu Ermera no organiza mòs atividade desportu ba joventude sira, maibè haree ba transmisaun kovid- 19 ne'ebè sirkula iha Ermera, ha'u tenki suspende atividade desportu ne'ebè hala'o iha munisìpiu, nune'e atu evita transmisaun ba komunidade sira no atividade sira normaliza bainhira haree ba nùmeru pasiente positivu covid-19 menus iha munisìpiu no EE remata no ko'alia ho emprezáriu munisìpiu Ermera atu apoiu lojistik ba pasiente ne'ebè afetadu," dehan nia ba tempotimor bainhira enkontru iha edifisiu autoridade munisipál Gleno, Kinta (8/4).

Nia afirma, parte hotu tenke kontribui hodi nune'e evita moras Covid-19 hodi labele hada'et ba komunidade sira, tamba moras ne'e fó ameasa no perigu ba ema nia vida.

Tuir observasaun jornalista tempotimor nian katak, prezidenti CCI-TL munisípiu Ermera asina ona akta ne'ebè faselita husi Prezidente Autoridade Munisìpiu Ermera no entidade hotu hodi ko'alia ho emprezáriu sira atu fó apoiu lojistik no servisu hamutuk hodi kombate surtu kovid-19.(*)

Rate this item
(0 votes)
Last modified on Sunday, 11 April 2021 09:43
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter