Login to your account

Username *
Password *
Remember Me

Tempotimor (Dili)-Maske governu promete beibeik hodi tau atensaun ba familia saudozu sira nian hanesan feto faluk no oan ki'ak sira, maibé promesa ne'e halo Jenerál Lere Anan Timur triste tanba to'o agora governu nunka tau matan.

Tempotimor (Díli)- Bazeia ba kazu asaltu malu no sunu propriedade ne'ebé kontinua mosu, iha Timor-Leste, liu-liu parte Laga nian, mak dadaun ne'e, Forsa Defeza Timor Leste (F-FDTL) liu hosi komponente terrestre no mariña halo ona ezersísiu ba área refere.

Tempotimor (Dili)-Xefe Estadu Maior F-FDTL Maijor Jeneral Lere Anan Timur konkorda ho desizaun Tribunal Distrital Dili (TDD) hodi fó pena prizaun ba veteranu balun ne’ebé envolve iha falsifikasaun dokumentus veternus nian.

Tempotimor (Dili)-Relasiona ho desizaun governu nian liuhusi dekretu ministeriál Ministériu Justisa (MJ) númeru 33/2017 iha 24 Maiu ne'ebé fó direitu ba Polísia Sientífika Investigasaun Kriminál (PSIK) hodi iza armas funu nian, maka lider seguransa nian hahú preokupa, tanba ema sivíl komesa uza ona arma funu nian.

Preokupasaun hira ne'e hato'o husi Xefe estadu maior F-FDTL Maijór Jenerál Lere Anan Timur, maibé xefe governu no Ministru Justisa (MJ) dehan lei mak fó dalan.

Tuir Jenerál Lere, Konstituisaun RDTL fó dalan, ba PNTL ho F-FDTL mak uza kilat, maibé governu komesa fó mós kilat ba ema sivíl.

"Kona-ba armas ne'e ita-nia konstituisaun RDTL fó dalan katak, instituisaun F-FDTL no PNTL mak bele kaer kilat, mais agora PSIK ne'e ha'u lahatene, nia sivíl ka polísia? Ha'u dehan nia la'ós polísia tanba foin dadauk kilat mai ne'e la liu husi polísia," katak Lere hafoin remata enkontru semanál ho Prezidente Repúblika (PR) Francisco Guterres Lú-Olo iha Palásiu Prezidensiál bairru-pite, Kuarta (14/10).

Lere mós konsidera situasaun ne'e sei fó perigu ba Timor-Leste, liuhusi loke dalan ba ema sivíl sira hodi kaer kilat.

"Aban-bainrua ida-idak sosa kilat, ida-idak hatama kilat. Agora PSIK ida foin dadauk simu kilat ne'e iha komandu polísia nian ka iha se nia okos, tanba ne'e governu tenke estuda didi'ak, tanba matéria funu nian la'ós buat halimar," nia tenik.

Tuir nian, loloos kilat sira ne'e tenke liuhusi PNTL mak distribui ba PSIK, mais agora ne'e PSIK mesak hola, entaun aban-bainrua organizasaun la'ós governu (NGO) mós bele rekezita kilat, se loke ona dalan hanesan ne'e.

Hatan ba kestaun ne'e, Ministru Defeza no Seguransa (MDS) Filomeno da Paixão de Jesus dehan, dekretu governu nian mak fó direitu.

"Instituisaun ne'ebé aprovadu husi Konsellu Ministru atu nia uza kilat, purtantu la'ós kilat boot no naruk, maibé sira uza pistola de'it no pistola ne'e ha'u rona dehan mai hotu ona ne'ebé ita implementa de'it," dehan Ministru Filomeno

Nia afirma, PSIK iha direitu atu uza porte de armas, tanba hetan autorizasaun husi KM, maibé regras empeñamentu la'ós tiru arbiru só uza iha tempu ne'ebé nesesáriu tanba PSIK halo servisu ne'ebé todan teb-tebes.

"Sira-nia servisu ne'e sufistikadu teb-tebes to'o krime sira ne'ebé la konsege detekta ne'e, só sira maka dekteta no sira bele hetan impedementu barak durante sira-nia servisu tanba ne'e maka estadu, governu hanoin no deside atu sira tenke iha protesaun ba sira-nia isin loloon," katak nia.

Maske governante ne'e dehan, dekretu ministeriál MJ nian mak fó direitu hodi PSIK kaer pistola, maibé Komandante Jerál PNTL Komisáriu Faustino da Costa atu haree fila fali legalidade ne'ebé iha.

"Atu dehan de'it katak, ida ne'e mak situasaun ne'ebé PNTL mós hetan, ne'ebé ita presiza haree didi'ak ba situasaun ne'e, liu-liu ba parte legalidade ninian," dehan Faustino.

Iha fatin hanesan, Primeiru Ministru (PM) Taur Matan Ruak katak, ema ne'ebé atu uza arma funu nian, presiza tuir formasaun de'it.

"Rekezitus báziku ne'ebé ema hotu hakarak lori kilat ka lei fó permite hodi lori kilat, ne'e nia kritéria mak treinamentu ka formasaun, ne'e importante para nia hetan sertifikasaun lori kilat nian," dehan PM Taur.

Xefe governu mós fó ezemplu katak, atu kaer kilat tenke iha formasaun, hanesan mós atu lori kareta presiza treinu.

"Formasaun ne'e importante, hanesan mós ita kaer kareta ita tenke treinu, kaer motor tenke iha treinu, entaun kaer kilat mós hanesan," nia dehan.(*)

Tempotimor (Dili)-Maske antes ne'e governu haruka membru na'in 10 husi Falintíl Forsa Defeza Timor-Leste (F-FDTL) hodi ba tuir formasaun pilotu iha Filipina durante tinan lima, maibé dadaun ne'e membru sira ne'e halimar de'it, tanba governu laiha planu hodi prepara kondisaun ba sira.

Tempotimor (Díli)- Antes ne'e, iha ona konsensu husi Xefe Estadu Maiór F-FDTL, Majór Jenerál Lere Anan Timur ho Xefe Estadu Forsa Armada Amérika nian, atu halo rehabilitasaun ba Aeroportu Baucau, maibé ikus mai, Governu Timor-Leste baralla tiha konsensu refere.

Tuir Majór Jenerál Lere Anan Timur katak, Governu halo baralla, tanbá la kompriende kooperasaun tékniku militár nian, entre forsa defeza nasaun rua ne'e, tanbá Governu tauk no deskonfia katak, Amérika atu sai fali na'in ba Aeroportu Baucau.

"Amerikanu sira agora preokupadu, tanbá polítiku sira, halo baralla tiha ona sasan sira ne'e, komplika tiha. Maibé asuntu kona-bá Aeroportu Baucau ne'e, ha'u ho Almirante Xefe Estadu Forsa Armada Amérika nian, ko'alia tiha ona, ami bazeia ba ami-nia kooperasaun tékniku militár," dehan Majór Jenerál Lere Anan Timur, iha Palásiu Prezidensiál Bairro-Pite, Díli, kuarta (7/10).

Líder fitun rua ne'e akresenta, maske parte rua intende ona, maibé polítiku sira mak komplika tiha.

"Agora polítiku sira mai komplika tiha, entaun ema sira ne'e mai atu halo saida, la hatene tiha, dalaruma ita deskonfia katak, Amérika mai halo Aeroportu ne'e, keta halo ba sai fali na'in, eipah Timor la sai na'in ona, Amérika mak sai fali na'in?," nia tenik.

Ho situasaun ne'e, Lere Anan Timur husu ba Governu, atu haree didi'ak.


"Polítiku sira, liu-liu Governu, MNEK atu haree didi'ak, tanbá ida ne'e bazeia ba ita-nia kooperasaun tékniku militár, ne'ebé atu ba Aeroportu militár ka sivíl ne'e Governu mak deside," katak Lere.

Alende ne'e, Lere mós husu ba Amerikanu sira, atu kompriende Governu Timor-Leste no Estadus Unidus Amérika (EUA).

Lere Anan Timur mós akresenta, akordu formál ba rehabilitasaun Aeroportu ne'e seidauk iha, maibé akordu mak bazeia ba kooperasaun tékniku militár nian, hanesan Amérika sira mai halo klínika, eskola, maibé Governu halo komplikasaun ba sasan hirak ne'e, hodi sai problema, tanba antes ne'e, Amérika investe uluk ona tokon $.10.

Iha Parte seluk A. da Costa, estudante relasaun Internasional iha Universitariu ida iha Dili, duvidas ho apoiu husi EUA nune'e husu governu nafatin ho politika rekasaun externa ne'ebe iha.

"ha'u hanoin ita presiza kestiona Amerika ninia hakarak atu apoiu hadi'a aeroportu Baukau. Keta halo sira iha hakarak seluk tan ba ita hare sira hahu monta baze iha Darwin. Nune'e duni di'ak liu governu Timor Leste foti osan husi fundu Minarai, investe rasik osan dez miloeins ba reabilita Aeroportu ne'e se Amerika hakarak apoiu ita mais ho de'it Dez miloeins entaun lalika simu," dehan da Costa ba Tempotimor.com (9/10) iha universidade ne'ebe nia estuda ba, iha Dili. (*)

 

PUBLISIDADE

Tempotimor (Díli)- Xefe Estadu Maiór F-FDTL, Majór Jenerál Lere Anan Timur hateten, lider joven sira ohin loron ninia kualidade la hanesan ho Lideransa sira iha tempo ai laran nian.

"Ita haree iha Timor iha líder barak, mais lideransa ne'e dalaruma kualidade la hanesan uluk. Uluk iha ai-laran lideransa la barak no oitoan, maibé iha kualidade ne'ebé di'ak, kompara ho agora", Dehan Lere

Nia haktuir juventude sira mak sei sai lideransa futuru nasaun no responsabilidade Estadu Timor-Leste nian.

"Ha'u kuandu hamutuk ona ho joven sira, ha'u hanoin mak sira nia futuru, tanbá ami agora hanesan ne'e ona, ami nia idade mak nune'e ona, ami harii ona nasaun ne'e, agora entrega ba joven sira i sira mak sei responsabilisa ba Estadu no ba futuru nasaun nee" Dehan Majór Jenerál Lere Anan Timur, wainhira sai oradór prinsipál, iha semináriu RYLA, iha Ailok-Laran, Segunda (05/10).

Lere Anan Timur apela ba joven sira, lori nafatin instituisaun Estadu nian ba oin, la bele para iha dalan, la bele kolen iha dalan, sempre iha dezafiu no obstakulu, maibé hamutuk vense dezafiu no obstakulu ne'ebé mosu, iha imi nia oin.

"Ba jerasaun foinsa'e Timor laran tomak, hanesan baibain, líder sira ko'alia, Timor nia futuru iha imi nia liman, kuandu ko'alia Timor nia futuru iha imi nia liman, ne'e responsabilidade bo'ot, hanesan uma ida karik, ita harii ona, se mak tau matan ba ida nee, klaru katak sira ne'ebé tuir mai, mak sei tau matan liu-liu imi jerasaun foun sira" Dehan Lere.

Nia hatutan, ema hatene katak Timor nasaun ne'ebé joven liu, iha mundu nomos kiak liu iha mundu, maibé ko'alia kona-bá atrazadu, Timor la atrazadu, Timor orgullu nu'udar povo ida, nasaun ida no hatudu ba mundu katak, timor-oan la'ós atrazadu, tanbá timor-oan mos matenek, edukadu, sivilizadu, ne'e mak ohin loron, sai nasaun no povu ida, iha mundu.

"Ita kuando ko'alia kona-bá Estadu, ita hotu hatene, joven sira mak nasaun nia futuru, tan ne'e, imi tenke hatene istória ita nia nasaun ninia, imi tenke hatene saida mak forma Estadu, dehan katak ai-rin haat, dalaruma imi estuda, imi estuda no hatene, ai-rin haat mak, Governu, Prezidente, Parlamentu no Tribunál" Dehan Majór.

Lideransa ne'ebé di'ak mak lideransa ne'ebé manan, liu husi buat difísil, la'ós mai ho buat ne'ebé fásil.

"Ha'u nu'udar Komandante Forsas Armadas nian, kuandu ha'u nia soldadu ida sala, ha'u duni sai, ne'e buat fásil, maibé buat ida eduka para sai militar no ema ne'e difísil tebes, entaun nu'udar lideransa ne'ebé di'ak, tenke opta lideransa eduka no tenke fera ulun, matenek atu bele solusiona problema".

TempoTimor (Díli)- Xefe Estadu Maiór Falintil Forsa Defeza Timor-Leste (F-FDTL), Majór Jenerál Lere Anan Timur (LAT) husu Governu, atu valoriza saudozu Faustino dos Santos “Renan-Selak” nia mate, tanba durante funu, saudozu fó nia kontribuisaun máximu, ba luta ukun-rasik aan Timor-Leste nian.

Tempotimor (Díli)- Operasaun konjuntu entre Unidade Polísia Fronteira (UPF), Komandu Operasaun Espesiál (KOE), ho Falintil Forsa Defeza Timor-Leste (F-FDTL) konsege kaptura membru Artemarsiál husi organizasaun PSHT na'in 37 iha fronteira Batugade.

Tempotimor (Dili)-Xefe estadu maiór F-FDTL Maijór Jenerál Lere Anan Timur husu invetigasaun hasoru Ángela Freitas tanba uza fotografia Kayrala Xanana Gusmão nian ne'ebé laiha autorizasaun.

Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter