“Jadi nia prosesu ne'e foin faze Primeiru Interogatóriu Judisiál la'ós julgamentu, ita-boot (jornalista) sira mós kle'ur akompaña, Primeiru Interogatóriu Judisiál”,dehan nia iha Palásiu Governu, sábadu (20/08).
Tanba kona-ba kazu primeiru interogatáriu Judisiál ne'e kompeténsia ekluzivu, Tribunál, bainhira Suspeitu sira hetan detensaun durante 72 oras.
Ba kazu drogadu na'in -sia ne'e, seidauk tama ba akuzasaun maibé sei iha prosesu promosaun husi Prokuradór sira.
“Tanba Prokuradór mak promove, la'ós akuzasaun, liafuan ida akuzasaun ne'e seidauk, foin promosaun, rekerimentu kona-ba detensaun suspeita sira ne'ebé komete krime entaun iha laran, juiz, Prokuradór, inklui Advokadu sira ne'ebé mak Arguidu sira bolu”, esplika nia.
Tanba primeiru Interogatóriu ne'e seidauk iha testemuñu, tanba ne'e mak seidauk julgamentu ba sidadaun na'in-sia (9) ne'e no iha finalidade atu aplika medida.
“Medida koasaun ne'e barak, para cautela, asegura, katak durante ne'e investigasaun prosesual ne'e bele la'o ho di'ak tanba ne'e mak interprosesuál sei iha faze etapa lubuk ida, roteiru sei iha dalan to'o finál”, dehan nia.
Kazu entre sidadaun na'in-sia ne'e, diferente ho kazu Artista Juga Gama ne'ebé antes ne'e mós komete kazu hanesan.
“Agora ba ita-nia Juga Gama ne'e kondenadu, nia ne'e iha julgamentu ona, maibé agora sira ne'e na'in-sia ne'e tenke halo ida-ne'e halibur dadus sira, investigasaun remata ona, tenke sustenta agulasaun Juis tenke marka audiénsia no tenke aberta, agora primeiru interogatóriu ne'e segredu ema labele tama”, afirma nia. (*)