Membru Governu Pendente, Salah Alamat se Envolve PJR

Prokurador Jeral da Republika, Jose da Costa Ximenes ko'alia hela ba midia iha Palasiu PR (05/11) Prokurador Jeral da Republika, Jose da Costa Ximenes ko'alia hela ba midia iha Palasiu PR (05/11) Foto tempotimor.com

Tempotimor (Dili)-Prokurador Jeral Republika (PJR) José da Costa Ximenes deklara katak problema Membru Governu na’in 9 ne’ebé to’o ohin seidauk simu pose la’os tanba ninia envolvimentu, maibé ne’e nu’udar kompetensia no desizaun Prezidente Repúblika Francisco Guterres Lu Olo.

PJR dehan, PR Lu Olo nu’udar Xefe Estadu rona informasaun husi elementu estadu tomak hafoin nia uza ninia kompetensia hodi deside.

"Agora ha’u-nia kompetensia ne'e saida?, hakarak envolve PJR ne'e salah alamat", dehan José iha Palasiu Prezidensial Bairopite, Tersa (05/11/19).

Nia afirma, durante ne’e PR simu informasaun husi orgaun hotu-hotu no PJR fó informasaun mensal de’it.

“Informasaun semanal sira ne'e halo ho Parlamentu Nasional, Primeiru Ministru, Komandante Jeral PNTL no F-FDTL, inklui aturidade hotu-hotu,” dehan nia.

PJR ne’e hatutan, iha ema barak mak fó informasaun ba PR ho nune'e laiha razaun atu hatete katak PJR mak envolve iha dezisaun PR hodi la fó pose ba membru governu na’in sia.

"Ha’u-nia majestradu ida mak la toma posse ne'e bele husu mai ha’u, maibé politiku ida mak la fó posse husu mai ha’u ne'e, ha’u laos ema politiku," dehan nia.

Rate this item
(3 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com