“Ami husu ba Primeiru Minístru (PM) hanesan mós Minístru Interiór atu demite imediatamente Komandante PNTL Munisípiu Díli. Sosiedade Sivíl konsidera inkapasidade tanba altura ida-ne'e hanesan omesidu ne'ebé akontese agravadu iha ninia área jeografia rasik iha ninia serbisu”, dehan nia ba jornalista sira iha Edifísiu FONGTIL, Kaikoli, sesta (02/09).
Nune'e Sosiedade Sivíl husu ba Ministru Interior atu suspende membru Polísia Nasionál Timor-Leste ne'ebé iha nia oráriu hein sela detensaun iha loron 01 setembru to'o hetan sidadaun ida tara-an.
“Ami husu ba Primeiru Minístru liuhusi Minístru Interiór (MI) atu suspende membru sira ne'ebé halo servisu iha nia oráriu para bele fasilita prosesu investigasaun la'o”, afirma nia.
Ho ida ne’e, loke investigasaun ba membru sira ne'ebé serbisu iha tornu ne'e tanba viola dekretu lei númeru 16/2009 membru sira la obedese ona iha momentu troka malu. (*)