Xanana Tuur Iha Kadeira Tribunal Dili

Eis PM IV ho V Governu Konstitusional tuur iha kadera Tribunal Distrital Dili hodi sai sasin ba Kazu Kareta ba deputadu PN ho arguido eis Prezidente PN, Vicente Guterres (05/12) Eis PM IV ho V Governu Konstitusional tuur iha kadera Tribunal Distrital Dili hodi sai sasin ba Kazu Kareta ba deputadu PN ho arguido eis Prezidente PN, Vicente Guterres (05/12) Foto Tempotimor.com
Tempotimor (Dili)-Atual Prezidente Aliansa Mudansa ba Progresu (AMP) Kay Rala Xanana Gusmão ho oin midar hakat tama iha areadores Tribunal Munisipál Dili (TMD) nian hodi presta deklarasaun nu'udar sasin ba kazu eis prezidente Parlamentu Nasionál (PN) Vicente Guterres ne'ebé lidera PN iha III lejislatura.
 
Iha tuku 13:38 Prezidente Aliansa Mudansa ba Progresu (AMP) Kay Rala Xanana Gusmão to'o iha Tribunal Munisipál Dili (TMD) hofi presta deklarasaun ba kazu eis prezidente Parlamentu Nasionál (PN) tersira lejislatura Visente Guteres relasiona ho kazu kareta ne'ebé hola ba deputadu sira.
 
Iha presta deklarasaun Xanana nian nu'udar sasin ba eis prezidente PN Vicente Guterres ne'e akompaña husi sekretariu jerál Partidu CNRT Francisco Kalbuadi Lay, deputada CNRT Veneranda Lemos, Vise ministru Edukasaun Ensinu Báziku João Zacarias, komandante operasaun PNTL Pedro Belo.
 
Pesoál eminente ne'e tama iha areadores TMD nian ho oin midar, no hatais semi formal, faru liman naruk kor azul, no kalsa tixu metan inklui pasta metan ida.
 
Atu presta deklarasaun ba kazu eis PPN Vicente nian ne'e, Prezidente AMP Xanana Gusmão tenke hein durante minutu 40 resin hafoin hakat tama iha salaun presta deklarasaun no julgamentu nian.
 
Julgamentu refere remata iha tuku 15:16 OTL. Hafoin julgamentu, Kay Rala Xanana Gusmao ho lalais husik hela TDD hodi la fo deklarasaun ruma ba midia.
Rate this item
(3 votes)
Last modified on Thursday, 05 December 2019 16:08
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Anunsiu

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com