"Sira ne'ebé hakerek ne'e kuandu Polisia toman ita boot tenki responsabiliza," dehan Major Jeneral, Lere Anan Timur iha Palácio Prezidensial Nicolao Lobato Bairo-pite Dili,Kuarta (19/02).

Xefi Esatdu Maior Jeneral Falintil-FDT, Major Jeneral Lere Anan Timur hatete Lapresiza halo markasaun tamba Xanana Gusmão nia naran kuinesementu ona iha mundu, tamba ne'e Lere Husu atu pessoal ne'ebé halo markasaun ne'e tenki responsablidade wainhira PNTL indetifika hetan.

Tuir Eis gerrileiru ne'e hatete, Naran Xanana Ramos, Mari ne'e Laos naran foun, Naran ne'ebé alfamadu tamba sira nia Primeiru libertasaun ba luta independência

Nune'e Lere rasik hatete Institusaun defeza halo ona Inkontru relasiona ho markasaun naran Xanana iha kapital Dili.

Xefi Estadu rasik hatete naran ne'e mosu tamba relasiona ho situasaun politika aktual i Lere konsidera aktu ne'e hanesan Agitasaun i Propoganda politika.

" Uluk Naran ne'e laiha, ikus mai situasaun politika manas ne'e mak derepenti maun boot nia naran ne'e mosu lemo-lemo iha fatin-fatin, Tuir Ami nia analiza ne'e hanesan Agitasaun ida, ema Hakarak hamanas situasaun. Hau hanoin katak Ita nia PNTL i Falintil-FDTL Matan mos nafatin i sei buka tuir se mak halo buat sira ne'e," esplika Lere.

Iha Grupu kiik ne'ebé hakarak instabilidade situasaun ho Ita nia independensia ida ne'e. Hau hanoin katak, Rai ne'e naben mak Timor ne'e laiha maibe atu integra fali ba nasaun seluk laiha ona.

Jeneral Fitun rua ne'e afirma Naran Xanana laos foin mak mosu, Xanana nia naran ne'e rekuinese internacionalmente i nasional. hahu kedas iha  1975 kuandu Funu Xanana nia existência iha ona.

Lere Konsidera Xanana,Alkatiri i Ramos Horta sira ne'e Timor nia líder istóriku. líder ne'ebé Komando Ita nia Funu, nune'e Lapresiza hakerek sira nia naran iha estrada tamba antes ema kuinese tiha ona.

Entertantu dadaun ne'e iha Kapital Dili kuaze maioria parede nakonu ho markasaun naran Xanana Gusmão nian, hanesan Viva Xanana, Ami Hadomi Xanana.(*)