Tribunál Hasoru Difikuldade mas Funsiona Nafatin

Prezidente Tribunal Rekursu, Dr. Deolindo dos Santos Prezidente Tribunal Rekursu, Dr. Deolindo dos Santos Foto Midia PR

Tempitimor (Dili) - Prezidente Tribunál Rekursu, Deolindo dos Santos hatete, situasaun polítika hamosu 'krize' orsamentu ba Tribunál, maski nune'e, servisu hotu-hotu ba la'o normál nafatin. 

"Prosesu iha Tribunál nian la'o normál mezmu ke difikuldade ne'ebé ita hasoru, situasaun polítika ho orsamentu mas hato'o ba Prezidente katak ami sei la'o normál nafatin," dehan nia, iha Palásiu Prezidensiál, Bairru-Pité, Tersa (10/3). 

Nia esplika, mezmu iha difikuldade tribunál tenke funsiona, julgamentu movel iha distritu la'o nafatin. 

Nune'e, iha soru-mutu regulár ho Prezidente Repúblika, Deolindo informa atividade Tribunál hanesan prosesu julgamentu, kazu pendente no prosesu formasaun juis, funsionariu inklui Kamara Konta. 

Entertantu, impase polítika ne'ebé la'o tempu naruk ona afeta barak ona ba setór hotu hanesan ekonomia, setor privadu inklui prosesu normál iha Tribunál. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.