Login to your account

Username *
Password *
Remember Me

Kazu Droga: Fretilin duun XG - Longuinhos Abuzu Poder, Exije MP Investiga Featured

Eis PM Kay Rala Xanana Gusmão hamrik entre CG ho suspeitu sira iha Kuartel Jeral PNTL Caicoli bainhira hare hela Droga no Suspeitu sira. Eis PM Kay Rala Xanana Gusmão hamrik entre CG ho suspeitu sira iha Kuartel Jeral PNTL Caicoli bainhira hare hela Droga no Suspeitu sira. Foto Arkivu.

Tempotimor (Dili) - Bankada parlamentár Frente Revolusionáriu Timor Leste Independente (FRETILIN) ezije ba Ministériu Públiku (MP) atu halo investigasaun hasoru eis komandante jerál Polísia Nasionál Timor Leste (PNTL) Longunhos Monteiro no eis Primeiru Ministru (PM) Xanana Gusmão, tanba deskonfia haruka Calisto Gonzaga hodi fasilita sidadaun na'in lima ses husi justisa Timor Leste.

"Iha tinan 2012, MP hato’o akuzasaun ida hasoru PNTL nia diretór Investigasaun Kriminal, Calisto Gonzaga. MP akuza Calisto Gonzaga halo abuzu de poder tamba halo “detensaun ilegál ba fujitivu droga na'in 4 husi Indonézia no na'in ida husi Áfrika du Sul no akuza mós Calisto Gonzaga “fasilita sidadaun estranjéiru na'in 5 ne’e ses husi justisa Timor-Leste nia jurisdisaun. Sidadaun estranjeirus nain 5 ne’e suspeitu sira ne’ebé lori droga ho todan 6.5 Kg," dehan deputadu bankada Fretilin Joaquim dos Santos "Borluli" liuhusi deklarasaun bankada nian iha plenária Parlamentu Nasionál (PN), Tersa (30/06)

Bankada Fretilin afirma, iha 2015, Tribunal Distritál Dili (TDD) akuza Gonzaga ho pena prizaun tinan 8 fulan neen, maibé Calisto Gonzaga halo rekursu ikus mai hetan pena susbensaun tinan 3 ba Calisto Gonzaga.

"Iha Setembru 2015, TDD kondena Calisto Gonzaga ho pena prizaun tinan 8 fulan 6 tamba provadu komete krimi abuzu de poder hodi fasilita hasai suspeitu trafikante droga na'in 5 ses husi sistema justisa TL nian maske sira lori droga ho montante boot tama mai TL, maibé Sr. Calisto Gonzaga halo rekursu ba pena prizaun hasoru nia tamba áktu krimi ne’ebé nia komete ne’e, la’os áktu ne’ebé nia halo ho inisiativa rasik," nia dehan

"Hafoin konklui prosesu rekursu, iha loron 18 fevereiru 2020, Tribunal Rekursu kondena pena suspensaun tinan 3 ba Calisto Gonzaga no liberta tiha nia husi pena tinan 8 fulan 6 ne’ebé tribunal primeira instansia fó, tamba Calisto Gonzaga la’os halo krimi ne’e tamba ninia hakarak," dehan Joaquim

Nia afirma, iha akordaun finál, TR hetan prova katak, Calisto Gonzaga la'ós halo áktu ne'e ho hakarak rasik, maibé orienta husi Longuinhos Monteiro no Xanana Gusmão.

"Iha akordaun finál kona-ba kazu ida ne’e, TR deklara iha kuaze pájina hotu-hotu akordaun nian katak, husi audiénsia sira ne’ebé TR halo durante prosesu rekursu ba kazu ne'e, hatudu provas klaru no inekuivokus ka laiha dúvidas ba tribunal hodi hatur nu’udar faktu katak, Calisto Gonzaga hetan orden husi Komandante PNTL Longinhos Monteiro nomós orden hanesan husi Primeiru Ministru Xanana Gusmão atu labela autoriza suspeitu sira presta depoimentu no fó informasaun ruma kona-ba kazu refere ba sistema judisiál TL nian. Nune'e, ordem atu mantein suspeitu sira ne’e iha detensaun to’o entrega sira ba BNN Indonesia nian no ordem atu Calisto Gonzaga entrega suspeitu sira ne’e ba polisia Indonézia," deklara husi bankada Fretilin

Bankada governu ne'e akresenta, ho faktu jurídiku sira ne’ebé TR rasik estabelese, maka bankada Fretilin husu MP atu halo investigasaun kle'an hasoru Xanana no Longuinhos.

"Bankada FRETILIN hakarak husu, no públiku tomak tenki kestiona, tamba sa mak momentu ne’ebá komandante PNTL, Longinhos Monteiro ho Primeiru Ministru haruka Calisto Gonzaga halo detensaun illegal? No tamba sa mak Longinhos Monteiro ho Xanana Gusmão fó ordem atu subar suspeitu trafikante droga sira ne’e husi sistema judisial TL nian?," Fretilin afirma

Husi situasaun ne'e maka Bankada FRETILIN hakarak husu ba MP atu hala’o prosesu investigasaun hasoru eis komandante jeral PNTL Longinhos Monteiro no eis Primeiru Ministru Xanana Gusmão atu estabelese faktu kona-ba tansa sira proteje trafikante droga sira ne’e iha momentu ne’ebá, no tamba sa mak trafikante droga na'in 5 ne’e importante loos to’o komandante jerál polísia ida no PM ida tenki fó ordem ba PNTL atu proteje sira.

Rate this item
(1 Vote)
Last modified on Tuesday, 30 June 2020 18:43
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter