Prokuradór Jerál Repúblika (PJR), José da Costa Ximenes haktuir, PM Taur hakarak Prokuradór Jerál Republika hadi'a-aan, liuliu iha asesu justisa.
"Idea maka nia (PM) husu Ministériu Públiku (MP) kontinua dezenvolve no reforsa-aan, oinsá bele atende di'ak liután ita-nia komunidade, liuliu buat ida asesu ba justisa", PJR José, iha knaar fatin, Kinta (17/09).
Nia informa, Primeiru Ministru mós husu Ministériu Públiku (MP) oinsá prepara-aan, hodi hasoru dezafiu iha futuru.
"Dezafiu barak oioin sei mai bainhira ko'alia kona-ba kombate kriminál iha nivel nasionál", nia akresenta.
Entertantu, ohin Primeiru Ministru (PM), Taur Matan Ruak, ba vizita Ministériu Públiku (MP) atu haree obra ne'ebé hahú ona konstrusaun atu prepara ba futuru sai Gabinete Sentrál Kombate Korrupsaun no Kriminalidade Organizada no Gabinete Kontenzioju Estadu, servisu espesiálizada rua ne'ebé funsiona dependénsia ba Prokuradór Jerál Republika.
Nune'e, obra ne'e, konstrusaun iha rai 900-resin metru kuadradu no ho orsamentu hamutuk rihun US$ 746. (*)
Kombate Krime, PM Taur Husu Ministériu Públiku Hadi'a-Aan
Prokurador Jeral da Republika Dr. Jose Ximenes akompana hela Primeiru Ministru Taur Matan Ruak asina hela livru vizitante iha Ministeiru Publiku nia knua Kolmera, Dili Kinta (17/9)
Foto Suplai
Tempotimor (Dili) - Primeiru Ministru (PM), Taur Matan Ruak, husu ba Prokuradoria Jerál Repúblika (PJR) hadi'a-aan, hodi atende komunidade iha parte justisa nian.
Tempo Timor
Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.
Jornalista Jornal Tempo Timor, bandu atu hetan envelope ka sasan ruma husi fontes informasaun sira.
www.tempotimor.com
