MP-PE Sei Halo Leilaun ba Motorizada 151

Motorizada sira ne'ebé para hela iha liuron parte jardin Motael nian. Motorizada sira ne'ebé para hela iha liuron parte jardin Motael nian. Foto Tempo Timor

Tempotimor (Dili)-Bazeia ba motorizada sira ne'ebé iha tinan tolu ka haat ba kotuk ne'ebé husi parte Polísia Nasionál Timor-Leste (PNTL) prende tanba dokumentu laiha ne'ebé sai ona Partimóniu Estadu (PE), maka iha ona diskusaun entre Prokuradoria Distritál Dili (PDD) no Partimóniu Estadu atu halo leilaun ba motorizada hirak ne'e.

Tuir Prokuradór Jerál da Repúblika (PJR) José da Costa Ximenes katak, Prokuradoria Distritu Dili hamutuk ho Partimóniu Estadu no Lojístika husi Prokuradoria Jerál da Repúblika nian iha konsensu hodi halo leilaun ba motorizada sira ne'ebé sai ona patromoniu estatál.

"PDD hamutuk ho partimóniu estadu no diresaun lojístika Prokuradór Jerál da Repúblika (PJR) nian ne'ebé organiza 151 motorizada ne'ebé aprensa iha tinan tolu ka haat ba kotu hodi halo prosesu leilaun, tanba tribunál deaide tiha ona katak sasan ne'e hela ba estadu," dehan PJR José iha Palásiu Prezidensiál bairru-pite, Dili, Segunda (19/10).

Alende ne'e mós PDD hamutuk ho PNTL Munisípiu Dili, promove tiha ona ba Tribunál Distritál Dili (TDD) hodi halo desizaun ba motorizada 35 iha edifísiu PNTL Kaikoli hodi hola parte ba estadu para halo leilaun.

"Ami promove tiha ona ba TDD parte deside ba motorizada 35 no ai inklui materia balun hamutuk kontentór lima, para deside no a favór ba estadu depoia nia prosesu administrativu tuir mai," katak PJR.

PJR mós fó hanoin fila fali ba públiku katak, kareta haat ne'ebé iha tinan 2015 PNTL prende iha mota ain, iha kareta haat mak hola parte ona ba partimóniu estadu.

"Se ita-boot sira lembra, iha tinan 2015 ita prende kareta 6 iha tunu-bibi, kuandu tama ilegál entaun Tribunál Distritál Suai (TDS) mós deaide ona prizaun tinan haat ba arguidu ida, no kareta haat hela a favór ba estadu," nia informa.

Entretantu, kona-ba kondisaun kareta haat ne'e, PJR ho ekipa sura mós halo hla jestaun ba kestaun ne'e Nia mós dehan, iha 2015 no 2016, PJR ho ekipa mós prepara hela projeitu ida kona-ba rekuperasaun ativu para haruka ba governu no Parlamentu Nasionál (PN) komisaun A para haree fali, tanba molok ne'e, lei ne'e kaduka ona iha PN.

"Lei ne'e nia objetivu mak oinsa ita atu administra bens (sasan) sira ne'ebé ita prende, se ita-boot sira hanoin, se ita prende minarai mak rai kleur ne'e bele estraga no aat, dalaruma mós la monu ba estadu no arguidu, karik ikus mai arguidu absolve, entaun ita tenke halo lei rekoperasaun ativa, tanba nia mak bele proteze bens aprendidu sira," nia dehan.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2020 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Tempo Timor Networks