“Hahalok hanesan eis MKAE Estanislau Aleixo da Silva hodi ezonera funsionariu kontratadu bazeia ba politika ne'e ladiak tanba desizaun balun latuir lei inklui dereitu funsionariu nian”, Pedro hato'o lia hirak ne'e hafoin akonpanã nia kliente Felisberto Araújo ba primeiru julgamentu iha Tribunal distrital Dili Tersa (27/10).
Nia dehan, kuaze iha Timor-Leste akontese bainhira partidu politiku ida involve iha guvernu nomeia, no ezonera inklui muda funsionariu tuir hakarak tanba desizaun politika.
"Labele partidu ida sa’e, mai troka ema, estadu direitu demokratiku labele atualiza sasan sira ne'e tuir gostu, maibe tenki hare lei no ema nia dereitu," Pedro dehan.
Pedro hatutan, ho kazu sivil husi Felisberto nian, sai hanesan ezemplu ba governante sira hotu atu nune'e bainhira atu ukun presija hanoin antes foti desizaun ne'ebé tenki bazeia ba Lei no direitu traballador.