Print this page

SIK “Asalta” Uma Privadu Prezidenti ANC iha Kampung Baru Komoro

By November 26, 2020 5066

Tempotimor (Dili) - Polisia Nasionál Timor-Leste (PNTL) Servisu Investigasaun Kriminal (SIK) kontinua prosesu buska iha uma privadu Prezidenti Autoridade Nasional Komunikasaun (ANC sigla portuges) iha Kampung Baru Komoro, Dil, ohin.

Buska ba uma privadu ne’e, SIK halo iha tuku 12 : 25, no remata iha 13:03 otl hafoin kaptura no borgol Prezidente ANC iha edifisiu ANC-MTK nian, iha tuku 11: 00 dader.

Bainhira ekipa SIK to’o iha rezidensia simu kedas ho mataben husi feen kaben JF nian, nune'e mos JF direitamente orienta oan sira hakmatek iha kuartu laran antes SIK akompaña mos husi Feen kaben husi JF autoriza loke odamatan kuartu privadu hodi SIK verifika dokumentu sira ne'ebé importante no relevante ho servisu Prezidenti ANC liuliu ligadu ho kazu Internet ilegal.

Dokumentu sira ne'ebé mak SIK prende ou asegura iha uma privadu mak Kareta ida ho marka Terios , konta bankaria no mos dokumentu seluk relasiona ho kazu internet ilegal.

SIK rasik halo buska tuir mandadu tribunal númeru mandadu Mandadu buska, detensaun no intensaun 066/20/PNSIK hafoin SIK detekta mosu internet ilegal husj kompana elite komputer no Telemor ne'ebé durante ne'e fornese internet ba ministeiru sira.

Entertantu kazu Internet ilegal rasik nakloke ba publiku bainhira PNTL-SIK halo buska ba operador Telemor ne'ebé lokaliza iha Timor plaza no kompana elite komputer ne'ebé lokaliza iha Kolmera hafoin durante ne'e fornese internet ba ministeiru sira inklui PNTL rasik.(*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com