Tuir observasaun www.tempotimor.com durante prosesu julgamentu, Arguidu nain rua tama ba sala julgamentu hahu husi 16 : 20 otl ne'ebé akonpanã kedas husi advogadu privadu Pedro Aparicio, Ligia Araújo, no advogadu internasionál Duarte Carneiro.

Durante Julgamentu ne'ebé hala’o naktaka to’o oras 17:10 otl ne'e remata ho rezultadu prizaun preventiva ba arguidu nain rua husi juis ne'ebé prezide husi juiza, Ercila da Costa no hetan asisténsia legal hosi advogadu privadu Pedro Apariçio,Ligia Araújo, no advogadu internasionál Duarte Carneiro, inklui prokurador Matias Soares.

Hafoin julgamentu iha Tribunál Distritál Dili (TDD), arguidu nain rua hanesan TVB hetan korajem makaas husi nia maluk servisu sira no arguidu diretor elite komputer DP ne'ebé dereitamente hetan akompanãmentu husi fen kaben inklui kolega servisu seluk.

Antes ne'e, Ministériu Públiku (MP) akuza arguidu sira ho krimi burla imformátika ne’ebé previstu no punidu iha artigu 268 no krimi fraude fiskál ne'ebé previstu iha artigu 314 kódigu penal Timor Leste.(*)