Login to your account

Username *
Password *
Remember Me

Tilman Kontinua “Akuza” Média mak Hakarak Prezidenti ANC Tama Kadeia

Advogadu privadu Manuel Tilman ko'alia ba Jornalista sira iha TDD hafoin Tribunal liu hus iJuiza juiza, Ercila de Jesus fo TIR Jeral ba Prezidente ANC JOF iha TDD, Segunda (30/11) Advogadu privadu Manuel Tilman ko'alia ba Jornalista sira iha TDD hafoin Tribunal liu hus iJuiza juiza, Ercila de Jesus fo TIR Jeral ba Prezidente ANC JOF iha TDD, Segunda (30/11) Foto Tempo Timor

Tempotimor (Dili)- Advogadu privadu Manuel Tilman kontinua akuza katak, média mak hakarak atu nia kliente arguidu Prezidenti Autoridade Nacionál Comunicação (ANC) ho inisial JOF tama iha kadeia.

Manuel Tilman hateten, Ministériu Públiku akuza nia kleinte krime hat (4) no husi krime sira ne’e xumbadu hotu no Tribunal aplika Termu Indentidade Rezidénsia (TIR) jerál, maibé, investigasaun la’o nafatin no nia parte mós perparadu nafatin atu hasoru prosesu tuir mai.

"Despaixu juis ida nian normalmente iha ha’u nia vida tomak iha ne'e ida ne'ebé la’ós krime maibé tanba de’it imi jornalista sira. Imi nia bo'ot balun mak hakarak duni hau nia kliente tama ba kadeia," Tilman dehan iha Tribunál Distritál Dili, Segunda (30/11).

Tilman hatutan, Ministériu Públiku rekere duni aumenta ba krime hat (4), horiseik iha deklarasaun finál mak aumenta tan rua, tanba ne'e Tilman lá preparadu, no husu juis atu retira hotu akuzasaun husi MP.

Maski nune'e, TIR jerál ne'ebé aplika ba JOF la taka dalan ba investigasaun no JOF rasik bainhira sai husi Dili ou ba fatin seluk presija husu autorizasaun husi Polisia Nasionál Timor-Leste (PNTL).

"Sei iha hela investigasaun," Tilman dehan.

Tribunál Distrital Dili (TDD) deside Termus Indentidade Rezidénsia (TIR) jerál ba Arguidu Prezidenti ANC ho inisial JOF ne'ebé deskonfia involve iha kazu internet ilegál.

Tilman rasik senti desizaun TIR husi Tribunal ne'e todan maibé favorese, Tilman konsidera JOF hanesan joven ne'ebé mak iha prestasaun diak, no kualifikadu espesifiku iha área ITC mak foin sai nu'udar Prezidenti ANC.

"Desizaun ida ne'e todan no kle’an mais favorese," Tilman dehan.

Entertantu, prosesu julgamentu prezide hosi juiza, Ercila de Jesus, Ministéiru Públiku reprezenta hosi prokuradór Ambrosio Rangel no Lidia Soares no arguidu hetan asisténsia legál husi advogadu privadu Manuel Tilman.

Antes ne’e mós hafoin primeiru interrogatóriu, Tilman ameasa ona média katak, média mak halo publikasaun ne’ebé ikus mai autoridade seguransa halo detensaun ba nia kliente ne’ebé ameasadu ba kadeia. (*)

Rate this item
(1 Vote)
Last modified on Monday, 30 November 2020 22:41
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter