"Ha'u nu'udár alin, tantu família boot ida ha'u ezíje ba polísia tenke buka suspeitu ne'e lalais, tanba agora dehan kaer-kaer, mais ami seidauk rona loos dehan kaer ona, ne'e kaer iha ne'ebé", Pedro dos Santos hateten ba jornalista sira iha Hospital Nasionál Guido Valadares (HNGV) Bidau, Segunda (30/11).
Nia dehan, nia maun mate husik hela nia kaben ho oan na'in-haat, agora nia mate ona se mak sei responsábiliza nia feriak oan ho oan sira.
"Ida ne'e mak ami família hakarak ezíje ba polisia sira tenke buka lalais", nia ejize.
Matebian Ernesto dos Santos (34) moris iha loron 8 fulan Agostu tinan 1986 nu'udár oan mane ba dala-tolu husi maun-alin na'in lima, mai husi aldeia Lebumeta, suku Berlu, postu administrativu Likidoe, munisípiu Aileu.
Tuir observasaun www.tempotimor.com iha terrenu nota katak PNTL liuhusi ekipa Forensik hamutuk ho médiku sira remata ona prosesu autópsia iha Hospital Nasionál Guido Valadares (HNGV) Bidau, no tuir planu, família sira sei lori matebian ba haloot iha nia knua moris fatin (*).
PUBLISIDADE