Print this page

Abuzu Sexual Hasoru Minoridade, SIK Covalima Kaptura AG

By February 18, 2021 4361
Membru Polisia Nasional Timor-Leste (PNTL) munisípiu Covalima liuhusi Servisu Investigasaun Kriminal (SIK) halo kapturasaun ba suspeitu AG (36) iha Covalima, Kinta (18/2) Membru Polisia Nasional Timor-Leste (PNTL) munisípiu Covalima liuhusi Servisu Investigasaun Kriminal (SIK) halo kapturasaun ba suspeitu AG (36) iha Covalima, Kinta (18/2) Foto Tempo Timor

Tempotimor (Covalima) Komandu Polisia Nasional Timor-Leste (PNTL) munisípiu Covalima liuhusi Servisu Investigasaun Kriminal (SIK) halo kapturasaun ba suspeitu AG (36) hafoin hetan mandadu kapturasaun husi Tribunál Distritál Covalima (TDC) katak, suspeitu ne'e komete kazu abuzu sexuál hasoru menoridade.

Tuir komandante SIK Covalima, Lorenço do Carmo Gusmão ba www.tempotimor.com katak, kazu ne'e akontese iha fulan Outobru 2019, maibé iha tiha tinan 2020 mak husi parte vítima foin hato keixa ba parte PNTL no justisa nian.

"Iha tiha 2020 mak vítima foin mai hato'o keixa ba aktu hirak ne'e ba parte Polísia no justica ninian, entaun to'o mai iha loron Kinta (18/2/21) mak SIK Covalima simu fali mandatu kapturasaun husi TDC, nune'e ohin ami ba halo kedas kapturasaun ba suspeitu iha nia to'os laran iha tuku 11:20 otl," dehan Komandante ne'e ba www.tempotimor.com, Kinta (18/2).

Komandante ne'e afirma, suspeitu AG husi postu Zumalai, suku Tashilin aldeia Kuluoan.

"Suspeitu AG halo abuzu sexual hasoru vitima ho naran inisial FJ (14) hanesan oan hakiak no halo asaun refere iha sira nia uma," Katak Nia.

Entertantu, hafoin halo kapturasaun ba suspeitu AG, parte seguransa mós lori kedas ba prizaun Suai hodi kumpri sentensa durante tinan 14.(*)

Rate this item
(0 votes)
Last modified on Thursday, 18 February 2021 14:53
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com