Iha vizita ne'e, Xefe Estadu nia-kaben fó korajem ba prizoneiru sira atu bele sai pioneiru ba pás bainhira tempu termina ona sira ninia reflesaun iha prizaun.
"Komarka ne'e laos atu sulan maibé fatin ida ne'e hanesan mai atu halo reflesaun, hadia lala'ok sira ne'ebé durante ne'e halo naksalak ruma mai halo reinterasaun sosial ida", tenik Cidalia bainhira halao vizita ba prizoneiru sira iha Bekora, Tersa (28/5).
Iha fatin hanesan Pe. João Soares iha nia reflesaun hateten, maske ohin iha prizaun nia laran, mas sei sente livre, tanba nasaun ne'e ohin loron iha situasaun ida ne'ebé hanesan mos iha prizaun laran, tanba iha korupsaun, injustisa ne'ebé la'o hela
"Ida ne'e hanesan mós ita nia nasaun iha komarka laran hela", dehan nia.
Entretantu, Diretór Nasionál Guarda Prizioneira, Helder Costa Marçal hateten, sosiedade sira kria kondisaun para tempu sira fila ba sosiedade karik sai sosiedade ne'ebé pás no domin.
Realidade hatudu katak, maluk sira ne'ebé livre ona husi fatin ne'e sai sosiedade ne'ebé diferente iha sosiedade ne'ebé sira hela.
Nia hatutan, maluk sira ne'ebé livre iha 20 Maiu, foin lalais ne'e, sira harii ona asosiasaun ida naran nakukun ba naroman. Ne'e iha hanoin katak atu halo sosializasaun ba maluk juventude sira para bele hadook aan husi krime.