Maibé, Prezidente Tribunal Rekursu, Deolindo dos Santos, saboko lialos ba públiku ho prezunsaun de inunsensia.

Bainhira hatan ba preokupasaun Públik nian ne'e ho diplomasia Prezidente Tribunal Rekursu, Deolindo dos Santos, ko'alia hodi lakoi hatete sai lolos lia ba desizaun Tribunal Suai nian ne'ebé autoriza suspeitu komete tan krime foun ida.

"Prosesu ne'e foin iha primeira faze ne'ebé prosesu ne'e iha inkeritu hela, krime rua mak akontese iha ne'eba ida mak tentativus krime natureza seksual ida mak krime omesidu”, dehan Prezidente Tribunal Rekursu, Doelindo dos Santos hafoin enkontru ho Prezidente Repúblika iha Palásiu Prezidensial Bairru Pité, kuarta (24/03).

Dadaun ne'e prosesu inkeritu hela iha Ministériu públiku nia liman, tanba ne’e mak seidauk bele divulga ba públiku.

"Ha'u la bele divulga buat ne'e tanba iha razaun Rua, Primeiru la bele ko'alia Wainhira buat ne'e seidauk iha momentu para ko'alia, tanba saida?. Se uainhira buat ne'e sei inisiu hela ita tenke respeita iha kestaun rua”, dehan nia.

Tanba, kestaun primeru iha prinsipiu prezunsaun inosensia, mesmu que nia rasik haree ho matan haree ema ne'eba ema oho, nia la bele halo buat ida tanba regra ne'ebé hothotu tenke kumpri.

"Segundo durante ne'e sira halo Sala hela presiza halo los mak wainhira prosesu inkeritu prosesu ne'e insetia ita tenke kumpri tanba ita hotu hatene katak segredu justisa, entaun ha'u la bele divulga buat ne’ebé prosesu insetia”, relata nia.

Tanba iha kinta loron 4 fulan-marsu tinan 2021, iha Batugade suspeitu ba kazu insestu hasoru nia oan, iha ne'ebe tribunal distrital Suai hatun de'it desizaun ida hodi aplika TIR (Termu Indentidade Rezidensia) ne'ebé halo suspeitu ho naran inisial AS hodi fila mai oho fali tan nia kaben.

Prokuradór Jerál Repúblika, José Ximenes hatete, nia lamenta ho desizaun tribunal mak fó deit desizaun aprezentasaun periodika ne'ebé ajuda arguidu hodi oho tan nia kabén

"Arguidu Ida ne'ebé halo violénsia kontra nia-oan ho violasaun abravasaun, iha Tribunal Distrital Suai Ministériu Públiku desde Primeiru husu Medida kuasaun ne'ebé forti, arguidu ida ne'e halo kontra nia-oan rasik”, dehan nia hafoin enkontru preodika ho Prezidente Repúblika iha Palásiu Prezidensial Bairru Pité, tersa ( 23/03).

Tanba saida mak tribunal deside, tribunal deside aprezentasaun preodika 15 a 15 dias. Maibé pozisaun Ministériu Públiku nian la konkorda halo rekursu, enfelizmente antes rekursu tun arguidu oho tan vitima nia inan ka nia fen no agora iha ona prizaun preventiva.

"Ne'e primeiru que ita haree katak aviza Ida ba hothotu para krime ne'ebé akontese iha família, liuliu krime hanesan ne'e tenke kuidadu. Se aprezentasuan periodika ita haruka nia ba hela fali ho nia fen no nia-oan sira laiha prevensaun ba futuru krime prevensaun nian”, dehan nia.(*).