"Ha'u hakarak hatete ba ita-boot sira katak, agora oin ba oin, ha'u tenke abitua ho ita-boot sira, ha'u la bele pasa informasaun kona-ba kazu konkretu ne'ebé la'o hela iha tribunal no kazu sira ne'ebé hotu ona iha tribunal”, deklara Deolindo do Santos hafoin reuniaun ho Prezidente Repúblika, Francisco Guterres "Lú Olo" iha palásiu prezidensiál, tersa (01/06).

Maske informasaun seluk nia bele resposta maibé ba kazu konkretu la bele tanba lei la permite, tanba ne’e la bele repete informasaun sira ne'e iha públiku.

"Kazu iha hira no kazu hira mak tribunál sei halo julgamentu iha serka sanitária Konfinamentu obrigatóriu, númeru la fiksu”, dehan nia.

Maibé kazu sira ne'ebé prosesu la'o nafatin mak hanesan prosesu primeiru interrogatóriu, prosesu sira ne'ebé mais julgamentu sumáriu, prosesu  ba arguidu prezu no sira seluk tan.

“Kazu sira ne'e tanke ser halo julgamentu mesmu que iha situasaun serka sanitária maibé ida ne'e prosesu ne'ebé ami la bele suspende, tanba kauza direitu liberdade ema nian nune'e ita tenke ser trata  kestaun fundamental ne'ebé lei regula, ida ne'e mak ita sei la'o nafatin”, esplika nia. (*)